لا هم ولا هم يحزنون .

كل الامور بسيطه ان شاء الله.

الي اقدر اقوله لك ان نصف الحل عندك، اذا ماكان كل الحل.

اولاً:

اول مشكله هي الافتراق في النوم ، وهي مبنيه على الطفل الي يسهر ويخليكم تنامون لوحدكم ، كلاً منكم بغرفه لحاله. طيب انتي ليش ما تبين تحاولين ترتبين وقت ابنك وتصحينه بدري وتنومينه مره با اليوم وما يجي الساعه تسعاو ما يقارب الا يكون نايم، وبعدها انتي تتفرغين لنفسك وزوجك.

يمديك تروقين نفسك وبيتك، وافضل ان يكون زوجك ملاحظ ها الشيء ، او حتى تقولين له من بدري ان الليله هذي ليلتنا نبي نسهر ولو على الاقل ساعه ساعتين لحالنا ، حتى يكون هو متهيئ نفسياً.

ثانياً:

اهتمامك بطفلك اكثر من زوجك هذي برضوا لها التاثير النفسي طويل الاجل بينكم، وترى مع الوقت بتحسين انك تذبلين من ناحية وتنشغلين مع ولدك، ويصير اهتمامك اكثر بعيالك. فحاولي تنسقين بين واجباتك سواءاً بين البيت والزوج والولد، وطبعاً ما تنسين نفسك.

ثالثاً:

تصارحينه با الاشياء الي تدور في بالك بحاجتك لأحساسك كأنثئ سواءاً من كلام حلو ، تغزل ،اشباع رغباتك، وكل ما ترغبين بقوله، اهم شيء ان يكون المكان والزمان مناسب تماماً للفضفضه، وتحسسنه انه هو الوحيد الي ممكن تقولين له ها الكلام، وان ها الكلام هذا نابع من حبك له وحاجتك اليه.

رابعاً:

ثقي ان زوجك وكل الازواج يمرون بنفس ها الفتره، ولكن مع التذكير والذكرى المستمره وبا الاسلوب المميز تقدرين انتي كزوجه تاخذين منه الي تبين ، وتكونون كلكم بنفس الوقت مستمتعين ومرتاحين بحياتكم وعلاقتكم الخاصه والعامه. لأن الصراحه والحب والتفاهم مفتاح كل اسباب النجاح بأذن الله.

الله يوفقنا ويوفقكم.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.