أخوي LonleyMan أول شي الله يعطيك العافيه بالنسبه لسؤالك مثل ما قلت لك يوم إني صغيره كنت دايم أحب أحل مثل هالأشياء بس مثل ما إنت عارف مشاغل الحياة دراستي زواجي....كلها أشياء أبعدتني و أنا متأكده إن اللي مثلي كثر غير إن طبعاً مثل ما انت عارف الحياه اللي احنا نعيشها سعلت علينا كل شي كل الأشياء تسويها لنا الكمبيوترات و الجوالات و الآلات الحاسبه و هذا شي يخلي الانسان غصباً عنه يبطل يفكر و يخلي مخه يصدي و يقوم عليه شبك عنكبوت فأنا فرحانه بالشي اللي انت تسويه لأن أحس إنه يخليني أشغل مخي و أفكر بدل من إني أعتمد على الآله الحاسبه مثلا

المهههم
بالنسبة للسؤال الأول مدري جوابي صح ولا خطأ لأن الشغله فيها ميكانيكا و فيزياء و أنا شوي مو مره في هالجانب بس إذا كان تخيلي صح أعتقد إن A يركب و B ينزل

الثاني: أخضر بدون تفكير لأن الألوان متناوبه فأكيد بين الأصفر و الأحمر فيه أخضر

الثالث: محد فاز اثنينهم تعادلوا لأن رام سرعته المتوسطه هي (30 + 10) ÷ 2 = 40 ÷ 2 = 20 ميل/ساعه
و سالم سرعته المتوسطة أيضا (20 + 20) ÷ 2 = 40 ÷ 2 = 20 ميل/ساعه

أما الأخير صراحة ما عرفت أحله
يعني بالنظر أحس منطقي إنه يطلع فراغ لما نعيد ترتيب بهالشكل لأن الجزء الطويل من البرتقالي عرضه 3 وحدات بينما الأخضر عرضه وحدتين بس يعني كل شكل مساحته ظلت مثل ما هي
الأخضر الفاتح: 8
البرتقالي: 7
الأخضر الغامق: بتطبيق قانون المثلث: 5
الأحمر: بتطبيق قانون المثلث: 12
يعني المفروض إن مساحة كل من الأشكال الكبيرة مساوية لمجموع الأشكال الصغيره: 8 + 7 + 5 +12 = 32
لكن لما أعتبر الشكل الأول مثلث و أحسب مساحته الكلية تطلع 32.5 و الثاني بما إنه نفس الأول بس ناقص مربع يعني ناقص وحده بالتالي مساحته المفترض 31.5 داااااااار راسي
بس فيه شي لاحظته لكن مدري إذا كان له علاقه يمكن يكون بسبب عدم دقة الرسم و هو إن في الرسم الثاني المثلث الأخضر ارتفاعه بالضبط وحدتين بينما في الرسم الأول في نفس المنطقه الارتفاع أقل شوي و نفس الشي ملاحظ في مناطق ثانيه

__________________