أختي مشكلتي أصدق ، لا تزعلي من كلامي ..

بس أشوفك مهتمة كثييييييييير بأمرها ، ليه ؟؟؟
الإنسان إذا ما يهمني ، فما يهمني إيش يعمل و إيش يقول و إيش يتصرف و مين يصاحب وووووووووو إلخ

مو إني ماني حاسة بوجود شخص يترقب أفعالي و يحسدني و يغار ووووو إلخ و ماني حاسة بك ..
أنا قابلت كثيييييير من النوعية هذه في حياتي ، و أحيانا يوم أجلس مع نفسي .. أسأل حالي ؟ ليه الناس كذا ؟
لإني ما أكره أحد ، و أحسب كل الناس كذا ،، و لو شلت على شخص يا أتجنبه تماما علشان لا أخلي شئ بنفسي ..

يا إن كان عزيز و غالي و يتقبل النقاش ، أصارحه ..

بس التصرف اللي أعمله معهم ( إذا شخص أعرف إنه يتمنى لي الشر )
تعرفي إيش هو ؟؟؟؟؟

1 - ما أخلي شئ بقلبي عليهم ، بكيفها .. تحسد ، تغار ، تكره ، تحقد .. إلخ ..
فهذا يدل على نقص فيها ، و هي اللي راح تتعب ، تمرض ،، بكيفها ..
أهم شئ ( أصفي قلبي ، و أنام مرتاحة )

2 - أحاول أكسب ودها ، و محبتها باللين و التعامل الطيب ،، لإنه الواحد ما يبغى من الدنيا إلا الذكر الطيب ..
يعني إذا مت ، أبغى أحد يقول الله يرحمها ،، مو الحمد لله ارتحنا منها .. حتى لو كانت عدوتي لا سمح الله ..

3 - أحسن لها ، لإنه الإنسان إذا أحسنتي له ، غصب عنه راح يحبك ،، و راح تروح مشاعر الغيرة تدريجيا .. و لو ما قدرت ، فخلاص سلام و عليكم السلام و خلاص هي من جهة و أنا من جهةة ..

4 - ما أتكلم عنها قدام أخواتي .. يعني حسيتك إنت و أخواتك ،، أكلتوا بلحم الشيخة لحد ما خلاص ما بقي شئ ..
أنا بأقول كذا ، علشان تدعي لها بالمغفرة في صلاتك ( علشانك إنت ) .. لإنه كفارة الغيبة إنك تدعي للشخص ..
حتى لا ياخد من حسناتك يوم القيامة

5 - الإنسان اللي ما يهمك أمرك بالفعل ،، المفروض ما يجي أبدا في بالك ..
لكن واضح جدا إنك مهتمة لأمرها .. فطنشي .. و خليها براحتها تعمل اللي تعمله ..