حبيت اليوم ألـطـــف الجــو شوي بمشاركتــي الخفيفه هذي .. وهي عباره عن مفــاجأة أغلى البشر
زوجي لي ...
والقصـــة هي أن البارحة الصـــبح كنت ماخذه اجازه لأن زوجي بإجازه اسبـــوع ..
وقلت آخذ إجازه معاه ... المهم تفاجأت الســـاعه 8 الصبــح بأن زوجي يصحيني من النوم وعلى طول
قال : واحد وحضـــني بقوة ... وبعدين قال : اثنين وباسني على خدي ...وبعدين قال : ثلاثة وقدم
لي الكوفي مع الدونات ....وصورت الفطور على السريع
وانا كنت جذي 
وجذي 
وجذي 
يعني باختصار مشاعري متضاربه وكتمت ما عرفت
شو اقول ... انا متعوده على حضنه وبوساته والفطور المفاجئ بين فترة والثانية ... بس استغربت
من سالفة العــد...
بعدين قال لي طلباتج أوامر يا عمري ... قلت له فديتك والله مشكووور على المفاجأة الغاليه هذي
وسكت... كنت أبي أسأله شو السالفه لكني ترددت ما حبيت اخرب الجو..
لاحظ الغالي علامة الاستفهام على وجهي 
وقال : ليش مستغربه حبيبتي ترا إنتي اللي طلبتي
مني هالطلبات ... قلت له : انااااااااااااااااااااااا ؟؟؟؟؟ متى حياتي ؟؟؟؟؟؟؟؟؟
قال بالليل كاتبه القائمة بالطلبات ... تبين تشوفينها ؟ وانا والله ضايعه ..قلت له : أي لسته ؟؟؟؟
قال : تعالي معاي ... وخذاني للمرايه ... وقال شوفي اللسته !!!!!!!!!!!!
طلعت سبب المفاجأة الحلووووه هذي الــ :
^
^
^
^
^
^
البجامه اللي اشتريتها من يومين ...هههههههههههه ومكتوب عليها هالكلام ..
أرجوك أيقضني بــ
بضمـــه ، وقبله ، وكوب من القهوة
والله تفاجأت وفرحت لأنه لاحظ هالشي البسيط... الله لا يحرمني منه ياااااااااااااااااااارب .. ويحفظه
لي ولعيالي ولأهلي ..شكرته ودعيت له والحين يالسه اخطط واجهز له مفاجأة
واكيد بإذن الله بطرح الفكرة لكم بس اجهزها كامله علشان تطبقونها يا متزوجات...
اتمنى تستفيدون من موضوعي يا أغلى اخوان واخوات ..وحبيت كالعادة اشارككم فرحتي ..
واعطيكم فكرة يمكن تفيدكم في تجديد حياتكم الزوجية وكسر الروتين...
مع تمنياتي لكم بالتوفيق والسعادة
19-01-2010, 03:16 AM
![الصورة الرمزية ][ لمني بشوق ][](image.php?u=227959&dateline=1264194203)
![][ لمني بشوق ][ غير متصل](traidnt-6nn-old/img/statusicon/user_offline.gif)
ضوابط المشاركة
العرض الشجري