السلام عليكم ..
اخواني حاليا أنا أدرس في مجال الطب ..
و أختلف مع ام نوره و سايكاتريست
مسألة إختلاطها بالرجال مو معناها إنها فاصخه الحيا والدين بالعكس ممكن تكون أفضل بمليوووون مره من اللي قاعده في بيت ابوها ..
و العمل في السمتشفى مثل العمل في غيره ممكن تسأل عنها أي أحد معها ..
أما مسأله الغرور والماديه و غيرها (( أصابعك ما هي سوى )) لأن مو كل البنات يفكرون زي بعض و مو كلهم تهمهم الحياة الماديه ..
خطأ المجتمع إنه يعاملها على أساس انها نوع آخر من النساء .. مع إنه غلط غلط غلط ..
الصحابيات رضوان الله عليهم كانوا يعملون في مجال التمريض و كانوا يسعفون المرضى و الجرحى في الحروب ولا واحد من الصحابه قال انها عالجت أحد غيري أو إنها قربت من رجل أجنبي .. ليه ما نفكر بهالطريقه على أساس إنها اتباع للصحابيات و خدمة للمجتمع و رقي في الفكر و صفاء للنيه ..
ليه دائما نبحث عن العقبات ..
مسألة الدوام و إنها مو فاضيه هذي غلط لأن الدوام هي اللي تحدده ..
لأنه في بدلات بالراتب جميع المستشفيات تتعامل بهذا النظام مثلا يزيدونها بالراتب كذا و يتصلون فيها بأي حاله طارئه فتجي لهم هالشي ممكن هي ترفضه و فيه أنظمه كثيره يطول شرحها ..
يعني لما تجون تحكون على الطبيبه و مجالها و عملها تعمقوا شوي و خوذوا فكره حقيقيه مو مجرد معلومات سطحيه ..
و ترى العمل في المستشفى هو قمة الإنسانيه و حطوا في بالكم ان اللي شقت في حياتها و قضت كل ذا الوقت في دراسته تفكيرها راقي و قلبها يحب الناس و يحب يعطي دون ما يقعد يحسب قد إيش عطى .. لأنها كرست نفسها لخدمة المجتمع و خدمه اللي يحتاجونها ..
عموما يمكن تقولون بما إني في مجال الطب أتكلم بحيازيه ..
و لكن ربي يشهد إني بقول نفس الكلام لو كنت بأي مجال ثاني ..
و مو مشكله الزواج ما تنتهي حياة شخص إذا ما تزوج لكن المشكله لما يجي ناس عقولهم سخيفه و منحطه و يبدون بنشر الإشاعات إن فلانه كذا أو كذا
اتقوا الله و ارتقوا بعقولكم إلى متى ستظل نظرتنا و عقولنا مظلمه ..
متى سنصفي النية و نتعامل ببساطه ووضوح ..
و أعتذر عن الإطاله ..
02-10-2003, 09:54 PM
ضوابط المشاركة
العرض الشجري