اقتباس:
المشاركة الأصلية كتبت بواسطة أحساس مشاعر
تخيلي عاد امي غارت من زوجتي وتهاوشو والله مشكله
|
فيه أحد ناداني ؟ 
طيب أنا بصراحة يوم قريت موضوعك تذكرت في وقت سالف سمعت ان شخص
معجب بي وعمره قدّك تقريباً يعني فارق العمر بيننا تقريباً 6 سنوات ..
خلني اقولك الحقيقة ولا تزعل مني بصراحة استحقرته في بداية الوقت
مدري احسه بزر .. وبعدين طنشت افكر فيه ..
بعدين صار يشغل بالي أحياناً .. مع انو زواجنا مستحيل تقريباً إلا بقدرة الله !
مع ان شكله بصراحة اللي يشوفه يقول عمره 30 ماشاء الله بس ياربي طالب وتوّه
ماخلص دراسه .. وبعدين صح أنو مقارب لطبعي المعروف بس مدري أخاف
بعدين يتزوج عليّ وإلا أخاف أصير سالفة عائلتهم يعني اذا عرفوا اني اكبر منه
هو مو عيب والله .. ولنا بمحمد صلى الله عليه وسلم قدوة حسنة بينه وبين
زوجته الأولى خديجة 15 سنة ولا ضرّها جابت له كل أولاده ماعدا إبراهيم
وأدري إنه زمان الصحابة والتابعين ومن بعدهم وزمان أهلنا الأولين
كانوا يتزوجون بـ 20 و 15 سنة يعني يجيك ولد أبو 15 متزوج وعنده ولد ..
مب مثل عيالنا الحين الله يخلف !!
يصير عمره 19 واكثر وحنا لسا نعتبره بزر الطول طول نخلة والعقل عقل ( ... ) 
كل هذا كنت افكر فيه ,, بس الوقت تغيّر .. والدنيا صارت أصعب ..
ولكن يبقى إن التسهيل من رب العالمين واللي يبي الحلال ربي يسهل له أموره
( إن يكونوا فقراء يغنهم الله من فضله )
عشان كذا أنا سألتك في موضوعك .. واعذرنا ع المداخلة اللي برى الموضوع !!
لكن انصحك تصبر شوي ع الاقل سنة يصير عمرك 22 كأنك توّك متخرج من الجامعة
وزي ماقال أحد الاعضاء ابحث عن بيت خاص فيك وابدأ بتأثيثه وإن شاء الله أمك
تتحمس وتبحث بجدّيه لك عن زوجه .. وطبعاً لا تنسى الدعاء وكثرة الاستغفار ..
الله يوفقنا ويوفقك ,,
!
__________________
ربي .. إلى من تكلني ؟! ,, ~
03-12-2009, 03:14 AM
ضوابط المشاركة
العرض الشجري