ماشاء الله على اللى كاتب الموضوع بجد بيفهم
لا وفيه كمان اذا بتكلمها وتبص بطرف عينها الناحيه التانيه معناها كلامك سخيف ومكرر ياريت تتكتم
والللاهى :والله: معناها انك بتفشر يا عصفور وهى فاهماك او انك واعد وهى عارفه انك مش هتوفى
أوعدك الموال ده مش هفتحه تانى: حضرتك مش عاوزها ترغى وتخلص الكلمتين اللى هيموتوها ومضايقينها فبتكتمها .....أشرب يا أمور بقى سنين من العذاب على نفس الموضوع اللى ما اتحملتوش حضرتك ساعه وللا شهر حتى
لالالا هعملها انا: حضرتك خيبان او بطىء او بتتفلسف او هتعلها وتموتها لحد ما تنجز او هتقعد جنابك شهر تقول وتعيد فى بطولاتك على الحاجه اللى سويتها فهى بتقطع عليك
حلوه: معناها ان الحاجه اللى حضرتك شاورت عليها مش عاجباها بس هى بنت ناس مش عاوزه تكسر بخاطرك
لو مسكت شى من محل وفضل فى ايدها شويه تلبسه وتقلعه زى خاتم مثلا او فستان تحطه على جسمها وتشيله كذا مره : معناه يا بنى ادم حس واشتريه لى
نخرج وللا نقعد بالبيت اللى تشوفه: حضرتك مش مبتكر وعاوز تخرجها اداء واجب بدليل انك مش مرتب دماغك اصلا اذا هتروح فمكتن وللا لاء
تاكلى ايه ؟ اى حاجه: المدام زهقانه طلعاتكم كلها اكل وبس
اتبسطتى فى الخروجه : أه......المدام بتجاملك فياريت ما تزنش بقى
لو جبت لها هديه وقالت له اه ظريفه او حلوه اوى ميرسى : الهديه ما عجبتش......ياأخى ما انت بتلف معاها ليل نهار واكيد بتشاور على مليون حاجه هتموت عليها ركز بس وهتشوف رد فعل عيله صغيره لو جبت لها شى شاورت عليه قبل وانت لاحظته
أياااااااااااااااااااااااااااااااااااااااااااااااا ااك تكون مش عارف مقاس مراتك........يومك بنى اسود
تتعشى: سيادتك قاعد اخرس وهى مش طايقه روحها وعاوزه تتخلص منك بأنها تأكلك وتنيمك وتحل عن سماها
12-11-2009, 07:26 PM
ضوابط المشاركة
العرض الشجري