انا جديده معاكم بالمنتدى ,, اتمنى انكم تفيدوني بحل المشكلة اللي امر فيها..

اول شي ,, انا فتاة ابلغ من العمر 24 سنة , تعرفت على شاب عن طريق الانترنت لما كان عمري 18 سنه, ماكنت اعرف معنى الحب .. علمني كيف احب, كيف اشتاق, كيف اغار, كيف احب الحياة,,

في البداية كنا نتكلم عن طريق الرسائل الالكترونية ,, بعدها انتقلنا للهاتف ,, كنت ادرس وهو يشتغل .. اكلمه 24 ساعه ,, صبح وليل .. حبيته لحد الجنون ,, بعد سنه و8 شهور من علاقتنا طلب مني اخرج معاه , طبعا انا رفضت هذا الشي وقلت مستحيل اطلع ,, قالي اختاري يا انك تطلعين معاي او علاقتنا تنتهي , قلت له خلاص علاقتنا تنتهي ,, بالفعل علاقتنا انتهت!!
بعد فترة رجع يتصل فيني , يبي علاقتنا ترجع , طبعا انا فرحت وقلت اكيد يحبني , ورجعت له , زاد حبي له وتعلقت فيه اكثر من قبل,, قالي انا كنت اختبرك ,اذا بتطليعن معاي او لا ,, وقالي اذا تقدمت لك اهلك بيوافقون , قلت له انا في بداية دراستي وعمري 20 يعني لسه ع الزواج, وانا من داخلي مبسوطه وطايرة من الفرحه بس والله ما ادري ليه رديت عليه بهذا الرد , كنت مستحيه!
المهم مافاتحني بموضوع الزواج مرة ثانيه,,وبعد شهور طلب مني اطلع معاه ,, وهالمرة انا وافقت , وطلعنا,, اول مره في حياتي اطلع مع واحد ..
وتوالت اللقاءات المحرمه بينا ( اللهم اني اسألك العفو ) .. في البداية الطلعات ماكنت تعجبني,, بس بعدين حبيتها .. يارب سامحني.
ولما كملنا 4 سنين انا فاتحته بموضوع الزواج ,, والصدمة كانت لما قالي: انا فاتحتك مرة وانتي رفضتي ومافي رجال ترفضه بنت يرجع يفاتحها بالموضوع. قلت له طيب انت ماتبي تكمل حياتك معاي بالحلال: قالي اريد هالشي بس خايف من المشاكل اللي بتصير بعد الزواج. قلت : مافي مشاكل ان شاءالله, ومارد علي.
وبعد سنه فاتحته بالموضوع .. وقالي امي مو موافقه. يعني كل مرة يقول شي ويعطيني سبب مب مقنع.

والله يعلم اني في كل صلاة ادعي ربي انه يبعدني عن الحرام ويجمعني فيه بالحلال ,, وربي شاهد على كلامي كنت اتمناه زوج لي ,, ضحيت بكل شي عشانه!
وبعد مرور 5 سنين ونص من علاقتنا ,, جاني الخبر اللي هز كياني .. اتصل فيني وقالي يا بنت الناس انا عقدت قراني على بنت غيرك وسامحيني..! والله العظيم مانزلت دمعه من عيوني من هول الصدمه.. ماكنت مصدقة اللي اسمعه.. كيف وليش ومتى؟ كيف خطبها؟ ليه ماقالي من البدايه؟ ليه ما عطاني مجال ابتعد؟

والله عشت في حاله نفسيه جدا صعبه.. نزل وزني 10 كيلو ,, ماكنت اشتهي الاكل ولا انام الليل ولا اطلع من الغرفه.. 24 ساعه ابكي ,, ااه عشت ايام صعبه محد يعلم فيها غير ربي.

بتقولون وين المشكله ..؟
المشكلة انه بعد ماتزوج ,, رجع يتصل فيني ,, يقول انا ولهان عليكي ,, والغلطه اللي ارتكبتها اني كلمته وطلعت معاه.. ياناس انا غلطانه ادري ,, اتمنى من الله يسامحني على السنين اللي ضاعت من عمري في هالعلاقة المحرمة ,, بس والله اني لما اشوف رقمه مااعرف شو يصير فيني ,,؟؟؟
الرجال متزوج ,, ويكلمني ويريد يطلع معاي,, اقوله طيب زوجتك مقصرة قالي لا مو مقصرة وانا مرتاح معاها. طيب انا شو ذنبي ليه ترجع لي وتعذبني,, ؟؟
احاول ابتعد لاني ما اريد ابني سعادتي على تعاسة غيري ,, والله مو قادرة كل ما ابتعد ارجع ,, انصحوني بالله عليكم ,, اعاني من صراع نفسي ..

اهلا بيكي حبيبتي في منتدانا الغالي
ثانيا اقول لكي حبيبتي هذا رجل بل ذئب بشري يريد ان يلعب عليكي ويسلي وقته على حساب دمارك وضياعك


وبعدين لماذا يخرج معكي وهو متزوج ؟؟؟؟؟؟؟؟؟؟؟؟؟
طيب زوجته مرتاح معاها لماذا يخونها ؟؟؟؟؟؟؟؟؟؟؟؟؟؟؟؟؟؟؟؟؟؟؟

احمدي ربك انه متزوجكيش علشان متفاجئيش بخاينته مع غيرك ........................


قومي صلي واستغفري الله عزوجل
[grade="4B0082 000000 FF1493 FF6347"]( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ" )[/grade]

تأملي الربع الاخير في سورة الزمر وستجدين راحة نفسيه ومن ترك شئا لله عوضه الله خيرا منه


ونصيحتي لكي ان اذا تعرض لكي باتصال او غيره بلغي الشرطة واتق الله

مابينفع ابدا يكون متزوج وداير يلف على بنات الناس

الله يصلحلك الحال ويوفقك

__________________
t=194997[/URL]
80 حلا للمشكلات الزوجية http://www.66n.com/forums/showthread.php?t=194997

الله يهديك الافضل تغيرين أرقام اتصالك وتغيرين ايميلك وتنسينه

وتتوبين لرب العالمين

الله سبحانه وتعالى رحمان رحيم ولكنه ايضا شديد العقاب

انسيه مستحيل يتزوجك ولو يفكر يتزوجك ما تزوج غيرك ويتركك للمتعه المحرمه

انسيه لو تتصفحين هالمنتدى فيه اكثر من الف موضوع كلها تصب بنفس مشكلتك

اقطعي كل السبل المؤديه الى التواصل بينك وبين هذا الذئب

وانتظري الزوج الحلال اللي يحبك ويخاف عليك ويعلمك الحب الطاهر العفيف الشريف

هذا الرجل ما علمك كيف تحبين وتشتاقين علمك كيف تخونين ربك ثم اهلك ثم نفسك

شكرا عزيزتي على المرور .. والنصائح الغاليه والاية القرآنية العظيمة .
وبالنسبة للسؤال اللي طرحتيه ( ليه بخون زوجته وهو مرتاح معاها ) ماعندي رد لهذا السؤال ,, والله قلبي محرووق منه ..

الله يسعدك ويوفقك يارب

[align=center]شكرا اخوي على حرصك ونصيحتك ,,
وان شاءالله بإذن الواحد الاحد اني راح أتغلب على مشاعري واتركه ..
عسى ربي يوفقك[/align]

ياااختي الله يهديك ويصلحك
هذا الله يااخذو ماخذك تسليه ووناااسه

هو ترى مرتااااح مع زوجته ومبسوووووووووط معاها

بس!!


هو تعود على علاقته الحرام والعياذ بالله


ترى مايحبك مدري ليش طلعتي معاه بعد ماتزوج الله يهديكي كاان ماعبرتيه!!!
رخصتي نفسك لأبعد الحدود الله يهديكي

لو بتنطبق السما على الأرض وتبقين انتي اخر بناااات االعاالم مابياخذك

عشااان كذااا مايستاااهلك

يروح ينبسط مع زوجته ويتغدى ويتعشا معاهاا
وانتي جالسه هنا تبكين عليه وحااارمه نفسك من الأكل!!!!طيب هو يستاااهل؟؟لا طبعااا

يمزح ويضحك مع زوجته
وانتي هنااا تبكين ماتضحكين ابد


لا وبعد بعين وقحه يقول انه مرتااح مع زوجته!!
اجل ليه يتصل عليك ويقولك ولهااان؟؟؟
صدقيني حبيبتي القلب مايشيل الا واااحد وهي زوجته
انتي ابد مالك مكااان في قلبه

يوم يشتاااااق للحرااام وتسليه يقوم يتصل عليك
عشان كذا لازم تكوني اكبر من كذا وانسيه اشغلي نفسك باي شي


خليكي معانا بالنتدى شوفي المشاااكل ردي على الاعضاااء اشغلي نفسك
ادخلي قسم الطبخ اتعلملك اي طبخه قبل زواااجك ان شاء الله


شيليه من رااااسك ولا عاد تكلميه ابدا غيري ارقااامك كلهااا
هذا ذئب على صورت انسااان الله يكاافيك شره
حسبي الله عليه يارب



والله فيه هناا قصه للأخت المهمووووومه قريبه من قصتك

حالتهااا كانت اخس من حالتك وشوفيهااا الحين ماشاءالله عليهااا تسرح وتمرح الله يزيد لهاا ويبارك لهاا
ويرزقك ويرزقهااا وكل بنااات المسلمين بزوج الصااالح اللي يصونكم

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

يقال : " من خـان لأجلـــك ، يخـوووونك ! "



هذا الذي يدّعي حبك، إنما هو شيطان في صورة إنسان، والله لن ينفعك وقت أن يبلى شبابك !

وقت أن يذهب جمالك ! وتولّي نضارتك ! بل سيلتفت لزوجته - بالحلال - وأم أولاده ليعيش معها باقي حياته كأنه لم يفعل شيئًا



أختي لا أريد أن أجرحك لكن : كيف سمحتِ لنفسك بهذه الإهانة ؟ كيف يعود للإتصال بك بعد أن طعنك ؟




أنتظركِ

احس كني اقرا قصة فيلم !

ماني مصدقة انك بهالضعف !

اتقي الله في نفسك يا أختي

الله يستر عليك

__________________

انتي وياه الظاهر عاجبكم الحرام

لو في قلبك نيه انك تتوبي كان قطعتي كل وسيلة يقدر يوصل لك عن طريقها

لكن للأسف

انتي تبغي العلاقة تستمر
عاجبك الوضع
توبي لله لعل الله يتوب عليك

انتي لازم احد يصحيك من الغفلة اللي انتي فيها

لاحول ولاقوة الابالله

يااخت ليلى فكري بالعقل شوي مو كل شيء بالعاطفه

حطي في بالك
هالانسان ما صار كذا طيب معك الا لانك طيبه وبنت حلال وعلى نيتك والف واحد يتمناك
هالانسان متزوج وكل يوم تخيلي انه ينام بحضن زوجته.. يعني مو داري عنك !!!
لا تقولين انه يحبك و يعزك وما يحب زوجته ووو
لو يحبك يسوي شيء عملي
الحب مو بس كلاااااااااااااام
سهله انا اقدر اقول لك كلام حب هالحين وافجر راسك فيه واطيرك اعلى سماااء
بس يوم تقولين لي اثبتي وشلون احبك بشيء مادي مثلا اخطبك لاخوي ولا ولا
تلقيني تهربت وسكت وضيعت الموضوع
اذا يحبك من جد يجي يدق باب بيتكم ويخطبك ويتزوجك لو انتي مقتنعه تكونين زوجه ثانيه
واذا يحبك بس بالكلام هذا واحد جالس يطقطق ويلعب يبي وحدة تهتم فيه وتحبه وتدلعه ويكون مو مسئول عنها
واسمحي لي اقولك هالنوعية من الرجال تخوف حتى لو تزوجك

لانه تعود في باله ... الزوجه في جهه و العشيقه في جهه ثانيه

الدنيا دواره وبيجي يوم تاخذين واحد يخونك ويقهرك مثل ما انتي سويتي هالشي وساعدتيه يخون زوجته

حطي في بالك دائما من خان لاجلك يخونك

اختي المساله مو بس مساله دين وخوف من الله المساله سمعتك و شرفك يابنت الناس

تخيلي لو اهلك عرفوا ..!!
تخيلي لو زوجته عرفت وشهرت فيك بالمجالس !!!
تخيلي لو ابوك واخوانك عرفوا !!!
فكري في فاطر السموات والارض وهو يناظرلك في خلوه غير شرعيه مع ذيب بشري
الله يمهل ولا يهممممممممل

اليوم ساتر عليك .. بكره راح يفضحك !!!

حطي في بالك نقطه مهمه ((اللي ما يعز نفسه محد راح يعزه))

عزي نفسك ياليلى
وترفعي عنه وعن اشكاله واللي يحبك بجد يعرف طريق بيتكم و يجيك بالحلال
اما اللي يحب بالكلام والمهايطه والكلام المعسول والاهتمام هذا مو حب هذا طقطقه وكلام فاضي ولعب بالمشاعر

توووووووووووووووبي لله وحطي عزتك وكرامتك واسمك ابوك تاج على راسك واللي يبيك يعرف طريقك بالحلال

نصيحه لك لوجه الله

ان كنتي تسمعين اغاني اتركيهااا لاتقولين وش دخل الاغاني بالموضوع الاغاني هذي هي اللي تهيض المشاعر وتجرجر لمثل هالامور
غيري رقم جوالك وقولي لاهلك اي عذر مثلا ابي رقم من شركه زين ارخص ولا ابي رقم مميز ولا ولا
غيري ايميلك اذا كنتي اتكلميه على الايميل

وانسيييييييييه اشغلي نفسك هالفترة طلعات زيارات قراءة القران استغفار تسبيح صلاة اخر اليل

وربي راح يكون معك
قولي بدعائك ربي ان قلبي بين يديك فاصلحه وانزع الحب الحرام منه وكوني صادقه ترين العجايب

اخيرا اقول الله يهديك ويثبتك على دينك ويوفقك ويعطيك قوة حتى تعزين نفسك عن هالاشكال

__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم