الله يهديك الظاهر بتخلي المدام تطردني برا الغرفه وانام بالصاله

عموما بخاطر واكتب لك ردي بشوية تغيير بالشخصيات

انا لي صديق حاط مواصفات معينة لزوجة المستقبل <<<< مو انا

يبيها بيضاء ومخلصه الجامعه وشوية مواصفات يرغب بها

لكنه تعب بالبحث ولم يجد ما يتمنى وقال بستمر

وقعد 8 شهور يدورون له اهله بنت الحلال

ودلوهم على ناس اجاويد راعين دين واخلاق

اخذ امه وجدته وقال شوفوهم

وراحوا وشافوها وطاروا بها للسما من زينها بعيونهم

وسألوا عن صديقي هذا <<< اللي هو مو انا

وجلس مع ابوها صديقي وحب ابوها حيل وارتاح له

وقاله شرفنا باليوم الفلاني تشوفها النظرة الشرعيه

وفعلا شافها صديقي بس للأسف اهم شرط انها بيضاء ما تحقق

كان لونها من لون بشرة ابوها حنطي

وامها بيضاء بس كل خواتها بيض الا هي حنطيه

ياولد فيها كل شئ زين الا اللون وش السواه

والله ما بلقى احسن منها

وانا بناسب العائله كلها

وبيكون ابوها جد عيالي واخوها خالهم وخواتها خالاتهم

والله عائلة تشرف كل عمانها وظايف ومناصب وناس ناجحة بحياتها

واخلاق ودين ومحافظة على الصلاة

وجامعية والله كل شئ فيها الا اللون

استخرت وتمت الخطبه والزواج

الحين اقول بأعلى صوتي


ياااااااااااااااااااااااااحظي


اللهم لك الحمد على ما رزقتني

احبهاااااااااااااااا موووووووووووت اكثر من أول

والحين حامل بالبيبي الأول وزاااااد حبي لها اكثر واكثر

والله اقول بنفسي مالت على وجهي انا ومواصفات زوجة المستقبل صدق ما عندي سالفه


انا اعدل ساعتي على وقت الدوام وهي تعدل ساعتها على وقت صلاة الفجر

تصحيني

وتداريني

واذا زعلت تنكت وتغير جو الزعل

تصير مشاكل بس نلحق عليها ونحلها بسرعة وبدري اول بأول

احياننا مثل ما يقولون هذا بدعاء الوالدين

وانت شوووووف وانا اخوك اذا شرطك شئ أساسي ومو مقتنع


لا تظلم البنت معاك

بكره تتهاوشون ولا شئ وتجرحها بكلمة انك كنت تبي كذا وكذا بس رضيت فيها

ولا بكرة تتحسف وتقول كان دورت اجمل منها

انا الون عندي كان اساسي

لكن حرمتي الله يحفظها خلت عيوني فيها عمى الوان ماعاد اشوف يمكن بشطارتها يمكن بحبي لها ولأهلها واني فرحان فيهم ما ادري بس شرطي الاساسي صار خرطي

تحية طيبة

انا باخذ مخدتي ولحافي وانحاش للصاله لان المدام جات وشكلها بتقط وجه تشوف وش اكتب من ساعه