لا حول و لاقوة إلا بالله ... يا جماعة حرام عليكم تشيشون الرجال على زوجته ! خلوكم محضر خير و سبب في الإصلاح مو التدمير و هدم البيوت


أنا اللي مستغربته إن أغلب اللي ينصحون بالزواج الثاني هم إناث ! ترضون أحد يحرض رجالكم عليكم ؟
ترا الواحد ما يضمن نفسه يمكن يتعرض لضغوط يوم ما و يصير يتصرف تصرفات غصب عنه و تصرفات غير مسؤولة ، يمكن تضايق الطرف الثاني و تخليه يتأزم و يشتكي لشخص ثالث ... تخيلوا لو طرح الشخص الثالث اقتراح الزواج الثاني ! ... ودي كل وحدة من المحرضات تحط نفسها بمكان الطرف المضغوط ! ما راح تحسون إن أزواجكم تخلوا عنكم بكل سهولة ! و نسوا الميثاق الغليظ اللي بينكم و بينهم !

و أخي صاحب المشكلة ... تراك تحب زوجتك ... لا تنسى هالشيء ... اعتبرها بنتك و تتعامل كذا مع زوجها ، ترضى زوجها يطلقها أو يتزوج عليها ؟ لا ما ترضى بالعكس ودك إنه يعالج و يعالج و يتمسك فيها و يأدبها و هو بنيته إصلاحها حتى لو كانت طرق التأديب قاسية مرة عليها ، معليش بس المهم إن فيه نية الإصلاح و نية الحفاظ على مشاعر حلوة و أيام حلوة عشتوها سوى

شكل لسى لكم سنة على الزواج و البنت شكلها صغيرة و مو مستوعبة أبدا الزواج و مسؤلياته و حقوق الزوج ... البنت محتاجة توعيه و تعريف للحقوق و الواجبات ... ما تشوفها كيف تردد عليك فتاوي و مقولات هي مقتنعة فيها و تنفذها ؟ طيب الله يجزاك خير حاول تقنعها بحقوقك عن طريق كتب تهديها لها و محاضرات تحجزها لها تثقفها بحقوقك

أنا والله أرحمها أتوقع هي مو حاسة باللي تسويه ، ما تعرف إنها غلطانة ، يمكن أحد لاعب براسها ، أو ما لقت أحد يوجهها صح من يومها طفلة ، أو يمكن تقلد أمها أو أخواتها اللي أكبر منها أو صديقاتها بدون شعور منها


أنا أقول اتركها عند أهلها و خلها تستاحش من غيابك و عدم سؤالك عنها ... اتركها شهر شهرين ثلاثة أربعة سنة ... بس لا تنوي أبدا الطلاق إلا بعد استخارة و بعد ما تكون حاولت تعلمها لأنها جاهلة ، و طلاقك لها الحين و هي بالوضع هذا يمكن يكون فيه ظلم لها لأنها جاهلة و لا تعرف و تحتاج لتوعية

و لا تتوقع الزواج الثاني هو الحل .... يمكن تلقى زوجة تريحك بس ما تحبها و تفتقد حب زوجتك الأولى و تعيش بندم على تسرعك و عدم محاولتك الإصلاح


الله يهديكم لبعض و يسخركم لبعض و يسعدكم و يكتب لك الخيرة في أمركم

__________________

اللهم ارحمني و اغفر لي فوق أرضك و تحتها و يوم عرضي عليك