أحس انك مكبرها وهي صغيره...

سبحان الله الزواج استقرار لا تفكر في السلبيات فكر في الايجابيات ...

يا اخي اذا انت حساس انا بعد حساسه وانا متزوجه وعندي ولد ومرتاحه ومستانسه الحمدلله...

وعن فن الاعتذار صدقني الزوجه سهله من هالناحيه مجرد انك تحظنها بدون ماتتكلم بترضا ومع الوقت عود نفسك تعتذر لزوجتك اذا كنت تباها تعتذر لك يوم تغلط

مادري بس من تجربتي.. علاقتي مع زوجي اسهل بوايد من علاقتي بأهلي يعني اذا صار موقف مع حد من خواني او خواتي ممكن يطول

لكن مع زوجي احس المشكله تنحل اسرع يمكن لأن مجابلين بعض...او لأن مافي حواجز بين الزوجين..

نصيحتي لك اتزوج .. والله استقرار وراحه نفسيه .. ودلع ماتحصله من اهلك.. يعني في شخص شغلته راحتك شو تبا اكثر من جيه...

الله يوفقك