انتي شكلك مايله للي من غير جنسيتك

بس وش عرفك أن أهلك بيوافقون على الي من غير جنسيتك

يمكن أهلك يرفضونه لذات السبب الي اهله رفضوكِ عشانه

و بغض النظر عن كونه ضعيف الشخصية أو غيره فالزواج في مجتمعاتنا الشرقيه

ليس قرار فردي بالمطلق ولا يخص الفرد ذاته ..

هو يخص اسرة بكاملها .. هو لا يربط بين شخصين بل بين اسرتين

بمعنى أننا نختلف عن الغربيين الذين يتخذون قرارهم وينفذونه لأنهم يملكون الحق و الحرية الكامله للتصرف

لذلك خلينا نكون واقعيين .. لو اخذتي الرجل الأول فراح تعانين كثير مع اهله ولا تعرفين وش نهاية

هذي المعاناة ..

لو كان الرجل ذو شخصية قوية ناضجة بشكل كاف ويستطيع فرض رأيه وذو استقلالية مادية

ما كان خفنا عليكي ..

اعرف واحد من قرايبنا تزوج وحده اهله مو راضين فيها .. بس هو كان مصمم عليها ..

لكنه كان شخصيه قويه ومستقله وناضج .. وعارف اهو ايش يبي .. و كان متأكد من البنت انها افضل وحدة مناسبة له

ومع الايام اهله تقبلوها

وبالعكس صارت اعز وحدة عند أمه بين زوجات اولادها الي هي مختارتهم _ للأسف الأم تبعت عواطفها في اختيارها _

ولما تسافر للمدينة الي هم ساكنين فيها ما تقعد الا عندها رغم أن اولادها الثانين في نفس المدينه



بس هذا الشاب الي تقولين عليه بعده طالب ومحتاج حق اهله عشان يقدر يتزوج

واذا كان ضعيف الشخصية مراح تقدرين تضمنين مستقبلك معاه .. ممكن يخضع ويضعف تحت ضغط الحنة والرنة

بعد أن يشبع رغباته الجسديه ..

وفي بنت تعرضت لهذي الماساة بس لأنها من قبيله أخرى .. اهل الشاب رفضوها .. تزوجها غصب عليهم

و مع المشاكل واحتقار اهله لها .. طلقها بعد 6 شهور من الزواج

لا تقعين في هذا الخطأ .. البنت لما تفكر في الزواج يكون في بالها الاستقرار قبل المتعة

فدوري على اسقرارك وين بيكون


بالنسبة للشاب الثاني ..

اقولك التعليم هذي الايام مهم جداً والشهادة أهم .. رغم انها مو ضمان للأستقرار إلا اذا رافقها اشياء ثانيه


بس ما قلتي لنا شنو شهادة الرجل الثاني ؟؟

وهل عمله مع والده مستقر ؟؟

وهل مستقبله يبشر بخير ؟؟ يعني هل هو قادر على الاعتماد على نفسه وتكوين عمله الخاص والاستقلال بمنزل خاص

والا بيبقى طول عمره معتمد على ابوه ؟؟

اذا في فرق كبير في التعليم .. واذا ما يقدر يستغني عن ابوه .. وابوه بيبقى يصرف عليه طول عمره

فابتعدي عنه لأنه ما يقدر يوفر لك أمان اقتصادي

لكن اذا الفرق مو كبير وتحسينه حركي مو نايم وعند قدرة وحسن تصرف وتحسينه واعي وفاهم وذكي

مو مشكله خاصة اذا رافق هذا حسن الخلق والدين

__________________