شوفي يا ستي انا من اسبوعين اشتريت وحدة
الماركة الأفضل بهالبلد و اللي كل الانكليزيات بحلموا يشتروها هي ghd و هي المستخدمة في معظم الصالونات ببريطانيا
و سعرها 3 أضعاف سعر البراون حتى يكون عندك فكرة ( 120 سترليني و البراون 35 فقط)
و طبعاً سيراميك
ميزاتها عن السشوار :
-أسرع بكتير و بتحمى بسرعة يعني شعري انا بخلص معي بخمس دقايق
( انا شعري خفيف شوي و ما بسشوره بنتظره ينشف و بستعملها لأني سشوار و مكواة بصير ناعم كتير و مكبوس على راسي مو حلو لكن لو الشعر خشن فالوضع مختلف)
- بتقدري تعملي شعرك بأي وقت يعني مو شرط تكوني طالعة من الحمام لأنه لازم يكون الشعر ناشف عكس السشوار
- بتسبل الشعر و بتعملو مالس بشكل متين أكتر و بدون ما ينكش و لو ربطتي الشعر أو نمتي ما بتأثر و لا بعلّم مكان الربط (هدا كلو بالنسبة لشعري ) يمكن يختلف من شعر لشعر تاني
- وانا لاحظت انه شعري أحلى بعد ما أعمله و أنام لأني برجع شوي بياخد كثافة بعد النوم
- اللمعة في الشعر واضحة أكتر
- و الأحلى شعورك بالثقة بالنفس يعني انا شعري طوال هالمدة مفرود و ما ربطته إلا مرة وحدة عكس الأيام الماضية دائما بربطه و بحسو مو حلو
- المميز لها انه ما بدها شد و مط بالفرشاة مجرد تمرير المكواة على الشعر بخليه مالس و بالتالي بتبقى جذور الشعر أقوى
- ممكن تعملي الشعر مالس او كيرلي و في سي دي مع الجهاز بيعلمك الطريقة بالتفصيل
سلبياتها :
- غالية
- سببتلي الادمان
من النواحي التانية الحقيقة أنا حتى الآن ما شفت سلبيات يمكن تكون بتقصف الشعر على المدى الطويل ما بعرف انا استخدمتها أكتر من 7 مرات و ما لاحظت لا حرق و لا تقصف
__________________
.
.
استودعتك أهلي في سوريا يا من لا تضيع ودائعه
التعديل الأخير تم بواسطة ماريا ; 02-02-2009 الساعة 01:01 AM
02-02-2009, 12:57 AM
ضوابط المشاركة
العرض الشجري