اختي saapna81 .. دائما ما التمس الحكمة في دوردك .. لكن حقيقة اليوم .. اكتشتفت انه بعض الناس ترد على غيرها بحكم تجربتها وتحكمها عاطفتها اكثر مما يحكمها عقلها ..

كيف اختي تقولين لها عيشي حياتك ومادري وشو .. هي لو ماكانت علطانه كنا كلنا قلنا لها هالكلام .. لو زوجها ماكان مقدرها وصابر عليها كنا بعد قلنا طنشي وعيشي حياتك .. لكن زوجها متقبلها الحمدلله ..

اختي قهررر .. استغرب ايضا منك .. يعني يا نوافقك يا تصير ردودنا ماتعجبك .. تلفين وتدورين وتردين وترجعين لسؤالك .. اطنشه والكل يقول لك لا .. فكري لو اتصل اش راح تقولين .. فكري لو رديتي اشلون بتعيشين معاه .. فكري وفكري وفكري ..

ياريت اتطنشينه الحين تدرين انه احسن لج .. عشان تفكرين عدل وتعيدين ترتيب حياتج .. لانج لو كلمتيه الحين بتعفسين الدنيا كلها وبتردين على طبعج اللي هو الصراخ والعصبيه .. وبتزيدين الطين بله ..

انا مادري اش فادتنا العصبيه والصراخ .. والله انتي تتعبين اكثر من الي قاعد يسمعج تحرفين قلبج واعصابج وفي النهايه نوصلين لطريق انتي ماتبينه وتصير حرقة القلب والاعصاب على الفاضي ..

يا اختي وان كنتي عايشه مكرمه ومعززه في بيت اهلك . فصدقيني لو كنتي شاطره وتحبين عيالج .. ترجعين لزوجك " اللي تقولين انه يحب عياله " وتحاولون تمشون المركب .. بوضع خطه صح لحياتكم ...

يعني كيف بالله عليكم تعاندون بعض قدام عيالكم يالله .. ماقدر اتخيل كيف تكون نفسية الطفل ومشاعره لما يسمع امه وابوه كل واحد يقول شي ... ويصيرون اللي المفروض يكونون قدوه بالنسبة للطفل بروحهم مايدرون ومايعرفون يتعاملون مع الحياه بالله عليج كيف بتكون شخصية هالطفل ..
الحمدلله عشت 19 سنه في بيت ابوي ولا قط شفت امي وابوي يتهاشوون .. حتى يوم كنت اشوف المسلسلات اقول اشدعوه من يسوي جي .. والحين الحمدلله ماذكر قط اني تهاوشت مع زوجي قدام عيالي او قال او قلت كلمه قدام بنوتي الله عمرها سنه و10 شهور ... اصحوا يا اختي .. عيالكم اماااانه عندكم ولازم تربونهم عدل ..

اتمنى انه حد يقدر يوصل هالكلام حق زوجك لانه في هالموضوع " هواشكم قدام اليهال " خطأ عليكم انتو الاثنين .. وماقدر اقول الا الله يعين عيالكم ياااارب

تقبلي ردي الطووويل .. اختك ..

أم فطومه ...

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...