اخوي افهم من كلامك انك ما شفتها الا مرتين ؟

مره في الشوفه ومرة في الملكة


وفي الشوفه البنت طبيعي ماتكون على طبيعتها لانها تكون متوترة وخجلانه .. وفي الشبكة الميك اب ممكن يكون ثقيل ومشينها


انا اشوف بنات حلوات لكن المكياج يغطي ملامحهم ويشينهم مرة .. فـ نصيحتي لك اطلب انك تزورها في البيت وشوف اذا ارتحت لها


وحاول تحط ببالك انو تشيل الصورة الخيالية تماما لان اكيد انت مو كامل وهي نفس الشي اكيد في بالها صورة خيالية ... اقصد انو حاول تخلي تفكيرك واقعي لأبعد درجه مو تتشرط كأنك ملك جمال


وبعد ما تسوي كل هذا ..ولسا مااعجبتك طلقها يااخي ولا تظلمها معاك اذا حسيت النفس عايفتها ولا فيه امكانيه تحبها


والله يعوضها ان شالله .. بس يااريتك اخوي ما جاملت ..الا موضوع الزواج مافيه مجاملة .. الحين لو بتطلقها وربي كسر نفسها واحراج اهلها اعظم لو انك اعتذرت من البداية وتحججت باي حجة


عموما اللي راح راح وفكر بمستقبلك بكل عقلانيه

وبالتوفيق ان شالله