حبيبتى دودوى دموعى نزلت غصب عنى وانا بقرا رسالتك....انا حاسه بيكى بجد الله يكون فى عونك بس لا تزعلى كلنا فى الهوا سوا بس اوعى تقولى زوجى يكرهنى........لا حبيبتى فى فرق كبير قوى بين الكراهيه وبين اللى بيحصل بينكوا صدقينى اللى بيحصل كلنا بنمر بيه انا مثلك ....ما أكثر الايام اللى بقعد فيها لوحدى ادعى ربى وابكى واكثرها اللى بكتم فى نفسى لكن الازواج بيكون رد فعلهم مختلف وكل زوج ليه رد فعله فى الحزن
اما عن زوجك حبيبتى هوه ده كان رد فعله عدم الكلام لانه يحبك ومش عايز يزعلك.......
تخيلى لو زوجك كان أنسان تانى لآ قدر الله قاسى القلب كان قالك كلام قاسى أو جارح...........
لكن زوجك رجل مؤمن وعارف انه كل شى بيد الله بس حزين مثلك تماما وعدم كلامه مجرد رد فعل حزين مش أكثر
معلش حبيبتى حاولى تتكلمى معاه ويومين وان شاء الله كل شئ بيكون تمام ......وفكره انك تروحى عند أهلك يومين فكره جميله لو زوجك مايمانع روحى لأهلك غيرى جو ومكان وأستريحى شويه من تعب الاجهاض وصدقينى هترجعى لبيتك بنفسيه مختلفه تماما وزوجك كمان
يارب يرزقك الذريه الصالحه يا حبيتى ويعوضك خير أن شاء الله
26-11-2008, 02:21 AM
ضوابط المشاركة
العرض الشجري