[align=center]السلام عليكم ورحمته الله وبركاته

مادري من وين ابدا وكيف حتفهموا قصدي....؟؟

صار لي متزوجه سنه كامله مع اروع رجل بالعالم ...

وانا على يقين لو ادور الدنيا ماحلاقي واحد يحبني ويخاف عليا اكتر منه....

وانا على يقين ان البيوت السعيده ماتخلو من مشاكل الزوجيه..

لكن اللي صاير بيننا حاجه غريبه وادور على سبب اللي بيصير قبل حلها لان حلها ماتفرق معاي

لكن الااهم عندي اعرف السبب اللي يصير بيننا حتى اتجنبه

كل مابيصير معانا شي بسيط نزعل من بعض ونتراضى بالبكاء ولا كأن المشكله صارت...

تعبت وانا ابكي وابكيه معاااي ....

هل التراكمات لها دور طيب كيف احلها مع شخص بااارد\\\\

ايوا شخص بااارد وماتفرق معاه ادري هل سطر صارت عباره كلها الغاز بقولكم مثال

واللي كل مرررره تتجمع معايا كل مزعلنا من بعض

اول حاجه لمن تزوجنا اتفقنا نلغي شهر العسل بالخارج نظرا لظروفه الماديه بايام الزواج وانا بعذره تدرون تكاليف الزواج وخصوصا انه تحملها لوحده مع اهل العروسه

قلت اوكي واتفقنا السفر مابين الطائف وابها والمدينه وهيك يعني

يعدي الشهر الاول وتروح عمره ونرجع للبيت وصرت اغني له نبغى نسافر حتى لو ابها فكان يقول طيب طيب الين عرفت ان ماديته على الصفر وقال راح يعوضني والى الان لاغي السفر بدماغه بحجه مايعرف الطرق وخايف يتوه تخيلو شهرين شهر عسل ونحنا بس بجده ومن مطعم لمطعم يعني لو وفرنا قيمه المطعام والله راح تسرفنا بس هو مو متشجع
مشيتها الين عدت سته شهور باجازه الاحج قلت له مادام ماسافرنا احجز لنا فندق بالمدينه وصرت ازن عليه طبعا باستهبال ومزح
بس هو يدري انا هذا رغبتي وفاهمني فقال طيب الين جا اجازه الحج واهله سافره المدينه وجلسوا ببيت اخوه

فقال قالي يالله نلحقهم قلت البيت مليان وومانبغى نضايق اخوك ومرته وخصوصا انها كانت حامل بالثامن
انت ماقلت له يحجز لنا قال لا.. الفناادق كلها مليااااانه(وانا متاكده لو سال حيلاقي)...يانروح عنده يابلاشي...وانا كرامتي اهم حاجه سنه ماسافرنا نروح عند اخوه ونضايقهم قمت رفضت وحاولت افهمه بالهداوه الين فهم ولغينا الفكره ولمن اقنعته نروح ينبع نبات كتغيير جو وطبعا كل مابغى حاجه لازم اسايسه قبلها باسبوع واسبوعين

واقتنع لمن شاف الابواب كلها مقفله رحنا ورجعنا بنفس اليوم انا انشويت من القهر بس مابينت


هذا اول تراكم يتجمع براسي لمن تصير مشكله صغيره

التراكم الثاني

اتفقنا قبل الزواج مايكمل البيت الين نتزوج ونكمله مع بعض لاني ماكنت واثقه بذوق اهله باختيار الاثاث(بحكم عاداتنا مانقدر نطلع مع بعض بفتره الملكه)

اتفاجات بالبيت كان ردي بالمرا كل اللي عمله اشترا غرفه النوم وكنب الصالون وستارة غرفه النوم والصالون من الموديل القديم ونجفة الصالون والمطبخ وبسسسسسسس

ايه صح انا قلت له مانكمل بس مو بدي الطريقه والله اتفشلت قدام اهلي حتى هم استغربوا

وهم مو فارق معهم ولا قالوا عيب ولا حتى قال عيب ادخل زوجتي أو اهلهاكدا

ومن يوم ماتزوجنا وانا اقوله قوم نشتري للغرفه الفلانيه الرد حاضر
ايشرايك اليوم نروح لمكان الفلاني والرد طيب.. علما نفس اليوم ييايمرض يكسل المهم يطلع الف عذر لاجل مانروح وعذر تافه

الين بالعافيه كل فتره اسكت منه ولمن يراضيني ابكي واقوله السبب البيت وانا ودي اعزم اهلي وصديقاتي وكل ناس تقول متى نجي عندك وانا اتحجج باي عذر الين خلصت اعذاري

ومادوي ادخلهم كدا شوف لمن يجيوا اهلك نقعد الرجال بالصالون والبنات بالغرفه لافاضيه وعلى بلاطه الين ويقوم يبكي وانا اسف وانا غلطان وانا مقصر معاكي وابلعها واضغط على نفسي ونتراضى

ومشينا على هالاسلوب 7 شهور الين رضى ناثث الغرفه الفاضيه باقي اشياء بسيطه دواليب نجفات وغيرها

وللعلم ماشيين نفس طرييقه الزعله والرضى والحين صار سنه وشهر ولاجديد تحت الشمس ومازالت المسايسه جاريه عشان نكمل البيت

انا لو ادري ان ماديته ماتساعده وربي راح انسى الموضوع بس المشكله راتبه حلو بس هو شايف مالو لزمه نخلص بسرعه بالاصح ماعنده يقول عيب وادخل ناس ببيتي وهو كدا

التراكم الثالث تاخرنا عن الحمل سنه وماكان راضي فكره روحه الدكتور الين نكمل سنه المهم وماشيين على نفس طريقه الزعله اضااايق وماتكلم يجي ويراضيني واقوله السبب ويبكي معاي انا مقصر انا اسف
الين يوديني ويطلع العيب مني بس هو عنده تغييرات برضوا واضحه واحتمال تاخر منه هو كمان بس رافض يقولها للدكتور بحجه اجرب العلاج اذا مانفع راح يقوله ...

يعني رحنا نستنى كمان الين يبان مني !!.. واديما اقوله بدل التاخير مرتين يصير واحد وناخذ انا وياك العلاج..برضوا مصر انو ماله داعي....وانا صرت ابين للدكتور اني حللت قبل كدا وقالولي انو فيني وفيني بس زوجي ماحلل ..الدكتور قال كلمتين وفرح زوجي قال اغلب العيوب 60
% يكون من الحريم واذا مافي نحلل الزوج

الين زعلت اخر مره قبل اربع ايام لانه رافض يقولها للدكتور ورضي يقولها للدكتور بمراجعه بعد بكره لمن نراجع بتحاليلي
التراكم الرابع لمن ابغى اشتري حاجه ولا اوصي اخواتي على حاجه مالقى تحت يدي مصروف يعطيني الحمد الله والله مايقصر بس يديتي شي بسيط مايكفيني اضطر كل فتره اطلب منه ولمن اطلب منه مررره انحرج واعمل مقدمات علشان اقوله ابغى ولاتنسى ولمن اروح السوق ابغىى اشتري حاجه وي غالي ايش دا

اقولكم المشكله وين انا تعودت بيت اهلي القى اقل مصروف بيدي 500 ولمن ابغى حاجه اجيبه واي حاجه نفسي فيه اشتريه

بس معاه لا .. يعطيني مصروف 200 بس احسها مره قليله وخصوصا الاسعار ناطه وهو يقدر يعطيني الف بس يشوفه مالو لزمه

انا تعودت اشتري ملابس ماركات ومحلات العالميه بس اهله مو معودينه وهم مايحبون با الشغلات
.[/align]

__________________


يارَبْ إذا أعَطيتني قوّة فلا تأخذ عّقلي

وإذا أعَطيتني نجَاحاً فلا تأخذ تَواضعْي

وإذا أعَطيتني تواضعاً فلا تأخذ إعْتزازي بِكرامتي

يارَبْ لاتَدَعني أصَاب بِالغرور إذا نَجَحْت

وَلا باليَاسْ إذا فْشلت

[align=center]....


اما التراكم الخامس اني لاحظت مايحب اهلي قدر مايحب اهله اوكي شي طبيعي بس انا ابوس امه على راسها من معزتها وقيمتها عندي بسبب ولدها

احنا نروح لاهلي واهله مره بالاسبوع

شوفوا الفرق لمن نروح لاهلي واهله

لمن نروح لاهلي يقول ياارب راسي مصدع بس يجي

يدخل البيت يسلم على يد امي ويجلس ولمن اغمز عشان يقول لامي كيفكم يقولها

يمزح يضحك ويلعب مع اخواني هم اثنين بس واعمارهم واحد 28 والثاني 23

نرجع البيت اخوكي فلان شفتي ايش سوا

اخوكي الفلان سوا حركه مو حلوه

ولد اختك الفلان انتبهوله

وعلى دا الحال
ولمن يروح لاهله مزح وضحك وتجيله النشاط من تحت الارض ويتحمس عشان نروح

حتى احيانا امزح معاه.... ايه يحقلك رايح عند ماما وبابا يقول لاو والله انا احبك واموت فيكي ومالاقي وحده مثلك ويرفعني للسماء

ولمن نروح عندهم امهم تقول طفشانين نقول نطلعهم ونمشيهم ونعشيهم واغلب الجمعه زي كدا وابوه بالبيت

بس انا لمن اقوله ايشرايك نعزم اهلي يوم على مطعم او نجيبلهم العشا يمزح معاي بكلمتين ويغير الهرجه

امس صارت مشكله صغيره وانفجرت وقررت اكتب مشكلتي

امس رحت لغمره صديقتي وطبعا عنده خبر

لمن جا المغرب كالعاده بعد ماتغدى قلت تودينا(امي معايا وجارتها) والمكان قريب قال فين اخوكي قلت نايم

وامي مابغى تتعب عشان تصحيه تودينا انت انا ادري انك تعبان بس المكان قريب (( للعلم هو مرره يغار من اخواني لاني دايما اذكرهم بالخير)ودايم هم على لساني

قال اوكي

هو ماكان يدري انو جاره امي حتيجي ونحنا طالعين من الشقه قلت له ترا بيت الفلاني جايه معانا

قام نرفز بيت الفلاني اصلا سيارتي قدي كدا(يعني انها صغيره) قلت له قول الوسع بالقلوب واذا ماشالتهم السياره تشيلهم عيونا بس قلتها بعصبيه شوي او بالاصح كنت حاده بالكلام

قام زعل وقلت له حبيبي كلهم حرمتين مع امي واكسب اجر وسيارتنا راحح تكفي 3 من ورا بالراحه

قام نزل زعلان قلت حبيبي انا اسفه والله ماكان قصدي بس انت نرفزتني لمن قلت السياره ماتكفي وسيارتنا قدي كدا

قال انتي لمن قلتي بيت الفلان حسبتهم 5 او 13 حرمه معانا
قلت بالله يعني حلم الحاره ولا اعمل حساب سيارتنا صراحه ضايقتني دي الكلمه وقلتها بحديه شوي

المهم وصلنا زعلانين ورجعنا زعلانين باعتبار اروح البيت اغيرملابسي

صارحته بكلمتين حبيبي والله مالوا داعي للزعل ايشبك معصب كدا قال قهرتيني لمن قلتي امك وبيت ال فلان والله حسبتهم كثير عشان كدا عصبت

قلت ايشبك ياعيوني بالله انا حسوي كدا يعني راح أجمع اهل الحاره

قال وليه عصبتي قلت لان كلامك نرفزني ولا انت مضايق عشان اخذت امي قال ابدا امك زي امي عادي انا كسبت اجر وديت امك لاجل اخوكي المدلع نايم ((قالها بطريقه حاده ومره انقهره وهذا اللي فجرني)والثانيين ماعندهم احد يوديهم

وراح الصاله لين غيرت ملابسي وانا مقهوووووووووره ومابغىى نتجادل بلعت وسكت على حساب نفسي


نزلنا السياره باعتبار نروح لاهله عندهم ضيوف رجال شخصين وابوه داق عليه يجيب عشا

طول السياره ونحنا ساكتين ولمن حس اننا قربنا بيت اهله قام يرضيني ويبوسني واناا سف وانا قصدي وانا مو قصدي وانا زعلاننه بجد(انا اقول بنفسي مايسوي كدا اللي هو حاس اني بروح لاهله وياويله اذا شافوني وجهي مقلوب بسبته)الحمد الله يحبوني ودايما يقولوله دلعها وسفرها


انا مقهوره والله وجلست ابكي بصمت الين وصلنا ماقدرت اتكلم ولا كلمه

رحنا عند اهله ساعتين ورجعنا وبالسياره ساكتين

الين وصلنا البيت ورحنا ننام قامم يراضيني انا ماتحملت جلست ابكي بقوه

قمت اقوله سؤال بس ماتزعل وهذا السؤال اللي قلته... تمنيت اموت ولا اقولها له

(( ليش تستثقل اهلي وماتحبهم مثل اهلك))؟؟؟؟؟؟؟؟؟


شوافوا ردو دافعاله

انا كدا حرام عليكي استغفر الله

ايشبك....والله يافلانه دي الكلمه قويه ومانتي حاستها.... استغفر الله..انتي عارفه ان امك دينه اكتر من امي..انتي عارفه ان امك تحن عليا زي اولادها... يارب كيف يجيني النوم..حرام عليكي انتي تتهميني... وانا دايما اقولك امك زي امي... ياربي ايش السؤال توقعت كل شي الا دا السؤال... عندي تقولي ليه تمشي مع بنت او تكلمها اهون انك تقولي ليه ماتحب اهلي....وخرج من الغرفه اول مره يسويها يطلع من الغرفه ونحنا نتصالح

صرت ابكي من قلبي وانا اقوله انا اسفه ماكان قصدي بس شوف ردودا افعالك لممن نروح لاهلي ولمن نروح لاهلك انا اعتبرت اهلك مثل اهلي ودايما اشجعك يالله نطلعهم يالله نغيرلهم جو اما انت

عمرك ماقلتها ولمن اقولك قوم نمشيهم تغير الموضوع

اخوانك لمن يبغوا حاجه تسويها بسرعه بدون ماحد يذكرك وانا لمن اقولك اخواتي يبغوا شي الفلاني او تصلح اجهزتها لازم اذكرك ست ميه مرررره(هو مجاله كمبيوتر ساينس)

((والله والله ياناس انا لاحظت اكتر من مره بس كانت ابغى اقوله بس اليوم فجرني وخلاني اساله)))

المهم لمن خرج من الغرفه صرت ابكي بصوت عالي وانهرت بالبكا انا ايش اللي سويته والله كأني طعنته بدي الكلمتين... ورجع للغرفه على صوت بكاي قام يسكتني ويرضيني صار يمزح معايا ويبكي وكل حاجه

وانا ابكي عارفين ليه

لاني حاسه اني طعنته بس هو بالغ في فهم الموضوع انا سالت السؤال باعتبار يرد رد عادي

ماتوقعت اللي صار يصير صرت ادعي لنفسي بالموت وقام جاب المويه ويغسل وجهي ويقرا علياويتعوذ من الشيطان

لاني من جد انهرت ولا صرت حاااااااسه بنفسي وجلسنا على دا الحال تقريبا ساعتين

والله اني حسيت اني ماستاهله

الين رضينا واتفق معايا انه راح ينسى السؤال وكأن اللي صار ماصار المهم صحينا الصباح ونحنا مبتسمين والحمد الله

وراح لدوامه الله يحفظه بس انا حاسه بتانيب ضمير كأني بدمر بيتي على اشيااااء تافه

قسم بالله رصاصه بقلبي اهون اني اشوف دموعه واكون السبب

وانتوا عارفين ان الرجل مايبكي لاي سبب وسبب قوي يعني بوفاه لاسمح الله وبس

هو يقولي اني عنوديه طيب انا اضغط على نفسي كتير بس لاني انسانه مرحه وفرفوشيه والحمد الله يبان فيني الزعله لمن اسكت ولا اتكلم وتكون الدموع عند عيني

والحمد الله هو شخص متدين ومتعلم ومثقف ماشاء الله تبارك الله اغبطه على ثقافته وتعامله مع الناس

انا كدا قلت كلوا اللي بنفسي

انا اعترف والله والله والله لو ادور العالم ماحلاقي قلب مثله ولا بطيبته ولا بحنانه بس المشكله مايفهم بالاشياء المفروض منها والاشياء لا



والله اني احبه واموت فيه بس ليه الزعل صار بيتكرر خلال اربع الشهور الاخيره

ليه التراكمات بتيجي ببالي كل فتره

وليه مايعمل حاجه اللي ابغها الا بعد زعلتي وكمان مايسويها كلها يعني كل مابغى حاجه ازعل الين يكملها...؟؟؟؟؟

تكفون ابغى حل..








align]

__________________


يارَبْ إذا أعَطيتني قوّة فلا تأخذ عّقلي

وإذا أعَطيتني نجَاحاً فلا تأخذ تَواضعْي

وإذا أعَطيتني تواضعاً فلا تأخذ إعْتزازي بِكرامتي

يارَبْ لاتَدَعني أصَاب بِالغرور إذا نَجَحْت

وَلا باليَاسْ إذا فْشلت

السلام عليكم ورحمة الله وبركاته


والله يا أختي بكرا بيجي اليوم اللي زعلك ما عاد يأثر فيه

اليوم بيراضيك بكرا لا

يعني حتى انت حاسبة الفترات اللي بتضلي تنقي فيها على الموضوع

معقول تنقي 6 شهور على السفر؟؟؟

ليش ما كيفت نفسك على الواقع وحاولت تسعدي نفسك فيه

زوجك بيحبك وانت بتحبيه بس المشكلة انك مش عم تعرفي تتعاملي مع طريقة تفكيره دايما بتنقي لتحصلي على طلبك.

راجعي نفسك كتر النق بيولد الإنفجار والدليل انو ما قدر يتحمل سؤالك الأخير وزعل منك كتييييييييييير

اختي الكريمة غيري اسلوبك معه ومش معنى انك نفسك بشغلة انو زوجك يلبيها لمجرد انها رغبتك.

وازني بين طلباتك ورغباته وخففي النق حتى لو كان باسلوب لطيف بالنهاية الرجال اذا ما بدو شغلة حتى لو حطيت كل دلع الأرض وغنج ودلال الدنيا مع الطلب اذا تكرر الطلب وهو رافض بيعتبر الطلب نق مش اكتر.

بالتوفيق ان شاء الله

تحيتي.

صدقينى مشكلتك عادية جدا ومحتاجة بس لبعض التنازلات من حضرتك!!

ممكن انت كنت مدللة فى بيت اهلك ووضعك مومثل وضعك هذا بس انت احسبى المميزات والعيوب راح تلاقى المميزات ارفع من العيوب وساعتها راح ترتاحين وتحمدين الله

صدقينى مافى احد مرتاح فى دنيته السر الكبير الى يخلينا مرتاحين نحمد الله ونشكره على كل الى يجرالنا

اكثرى من الاستغفار والتسبيح وانت باذن الله راح ترتاحين

__________________

الحياة الزوجية اختي الكريمة لاتخلو من هذه المواقف...
والسبب اختلاف بيئة وتربية وطريقة حياة كل منكم بين أهله..

كثرة الزعل...والتدقيق على كل صغيره وكبيرة راح تتعبك كثير..كما ماراح تكون في مصلحتك..

هذا ألحين زوجك...نصيبك..

حتى تغيري بعض طباعه تحتاجي وقت كثير كما وتحتاجي إنك تصبري وتثابري..

مازلتم جدد في الحياة الزوجية...
وتشعرين إن الضغط كله عليكِ...فلا يكفي موضوع الأهل هنالك البيت والآن الحمل....

أنت كتله مضغوطه من الانفعالات وهذا خطأ...
وهذا غير صحي لكِ أبدا...
نفسي عن نفسك..غيري طباعك...أخرجي مابداخلك لزوجك...

أخبريه أنك بحاجه له أن يسمعك بتعاطف..احكي له همومك..ناقشيه بهدوء...

هو يراعيكِ ويراضيكِ متى شافك حزينه وهذا جيد جدا...ليس كل الرجال كذلك..

كما أن منهم من لايعترف بخطئه وإن أخطأ...وتقولين أنه طيب ورائع معك...إذا الحمد لله...

نظرته الماديه أختي حاولي التأقلم معها...أثبتي له أنك تفكرين بالاقتصاد في الصرف وأن ما ستشترينه نافع لسنوات وعملي جدا...واحرصي أن يكون كذلك..واطلبي رأيه في كل شيء..

لاتكبتي في داخلك...واسعدي نفسك...

أسأل الله أن ييسر أموركم ويرزقكم الذرية الصالحة والمعافاة...

__________________

[info]الاشراف: ينقل إلى مكانه المناسب (عالم المتزوجين) [/info]

__________________

الله يوفقك انتي وزوجك ويديم المحبه

__________________
أستغفر الله اللذي لا اله الاهو الحي القيوم واتوب اليه

السلام عليكم ...


مشكلتك أنك ماسكة عدسة مكبرة لرؤية الأمور ..

يعني انا شايفة كل اللي اشتكيتي منه موجود في احسن العائلات ..

يختي دخلت على بيت زي بيتك ولا همني ..اللي بيجيني في بيتي بالشكل هذا حياه الله ...هذا جاي لي أنا ...

واللي جاي بس يتفرج على البيت وش حطينا وش سوينا ...هذا مالي فيه لزمة ... ومع الصبر بيعوضك زوجك ..

وبعدين لسه انتي لك سنة وهذا كلامك ..

انا استغرق الموضوع سنين من الصبر والتفهم لحد ما عوضني بعض الشيء ..

وبيني وبينك كنت زيك ابي وابي وابي ..

بس بعدين بردت وعقلت والدنيا مهوب اهم شي فيها سفر وفرش ..

بالنسبة لعلاقته بأهلك .. شي طبيعي انها مختلفة عن علاقته باهله ..

أهم شي لا يقطعهم ولا يغلط عليهم ..واذا غلط اطلبي منه انه يتوقف ..وانك ما تسمحين بالشي هذا ..

واحرصي انك ما تغلطين على اهله انتي ايضا ..



باختصار ..

صغريها تصغر كبريها تكبر ..


دمتي في حفظ الرحمن ,,

اختي الكريمه ...

سوف اجعل مشاركتي بنقاط ..

#ممكن انتي عندك الحساسيه شوي زايده ... "حساسه"

#طبيعي يكون اهتمام الزوج باهله غير اهتمامه باهل زوجته ... لكن زوجك كماقلتي يغار من اخوانك فى حاولي ان تخففي من ذكر اخوانك امامه او تذكرين الجانب الحسن من قول اخوانك في زوجك ..

#زوجك فيه شوية بخل "البيت لم يكتمل مع انه قادر ... المصروف ... الذهاب للمدينة والسكن عند الاخ "

#ومثل هذه المشاكل " الزعل" تحصل في كثير من الاسر ولكن يتغلبوا عليه بالتنازل او غض الطرف عن بعضهم البعض ..


اسال الله ان يسخر لكي زوجك .. وان يرزقكما الذرية الصالحة البارة بكما ..

اختي الكريمة اعرف رجال رواتبهم زينه بس الزواج ماخلى شيء عليهم وباين ان زوجك حط فلوسه كلها في زواج وغير ديون

فااتوقع زوجك يعاني من ضغوط مادية واختي البسي زي مايبغى

مايقدر يلبسك ماركات خلاص تحملي عيشي نفسك كأنك من أهله ، صدقني في ناس تحب الفشخرة والمظاهر لو يملكون الف راتب وناس تحب تعيش على قدها لو راتبه عالي

أختي تحملي وزوجك صرف شيء في الفرح ماهو هين

وانا اعرف قريباي زي كدا تلاقيه بعد الفرح مهموم بالديون