السلام عليكم ورحمة الله وبركاته

والله يا أختي كان راح يجيني جلطة لما قرأت الوضع اللي عاشة فيه.

شو هاد تقعدي ورا ورجع يحن على الموضوع من اول وجديد.

شوفي لما يجي إنتظري يوم حتى يرتاح وبعدها إطلبي منه انكم تتحاوروا بهدوء.

قولي له يا ابن الناس انا بسفرك وغيابك كان عندي الفرصة اني افكر بوضعنا. وانا غير مرتاحة للوضع.

انت متزوج بنت ناس مو بنت لاقيها من الشارع يعتي لازم تعاملني بما يرضي الله ومتل ما كل الخلق بتعامل زوجاتهم.

شوفي انت دائماً حريصة على مشاعره لازم تخففي شوي من هالخصلة.

شوفي حبيبتي ما تفتكري ابداً ان الرجل بيحب المرأة المطيعة او المرأة المتنازلة عن حقوقها.

لأ حبيبتي في أحيان كتير لازم المرأة تطالب بحقها مرة ومرتين وتلات وعشرة لتوصل لغايتها.

التنازل من طرفك مش عم بيحل الأزمة. التنازل من طرفك عم بيقابله زيادة بالتسلط من زوجك.

حبيبتي أذا انت ما حصّلت حقك كل العالم ما بيحصّلك ياه.

ملاحظة بطّلي تخافي عاى مشاعره من أهلك. بالعكس خليه يعمل الف حساب لأهلك قبل حتى ما يطلع فيك.

ما بيضر ابداً انه يحس انك الك سند قوي بالدنيا وانك ممكن بأي لحظة تلجأي لأهلك إذا ما عدّل تصرفاته.

الله يوفقك وييسر امرك.

تحيتي