اختي بقولك اياها صريحة..


انا مثل ببالي دائما الانسان الجامعي هو التمام .. و الانسان يطلب ثقافه عليها.. وغيره ما تنفع معه الحياة.. وكنت ارفض اتزوج غير جامعي..

لكن الحياة وكثرة المعايشات علمتني انه نظرتي ماهي صحيحة دائما.. مثال انا صديقتي جامعيه وابوها بروفسور .. واخواتها والزواجهم جامعيين..


وهي زوجها معه شهادة ثاني متوسط... تخيلي الفرق الكبير.. وهي من عائلة ثرية.. وهو عائلة فقيرة.. هي من عائلة جملة ماجستير ودكتوراه ومهندسين واطباء وهو من عائلة بسيطه وظائفهم..بس الحمدلله تزوجوا.. والكل كان رافض والحين هم جدا مرتاحين ويحبون بعض... وعندهم عيال.. وجدا متفاهمين..



وفي المقابل قريبتي متزوج جامعي من امريكا جايب شهادته.. والله العظيم ما اكذب عليك انه حارمها العافية.. ولا يجلس معها بالبيت.. وحارمها من كل شئ.. حتى التلفزيون والراديو... ولا تطلع من البيت ولا تتعرف على الجيران.. حتى التلفون ولا الجوال ولا شئ...

تخيلي هذا الجامعي.. واضيفي انه مستحيل يوديها لاهلها.. الا اذا عنده كورس قريب من اهلها.. واول شهر العسل سافر لحاله تخيلي مسافر وحده وهي راميها ببيت اهلها...


والسوق ما يوديها .. ابدا..

والله لو اقولك قصص جامعيين مع زوجاتهم يشيب راسك.. لدرجة كثير بنات اعرفهم ابوهم جامعيين.. هم يقولون نبي ازواج متوسط وابتدائي.. تعبانا من فلسفه ابوانا.. وفعلا يرفضون جامعيين رفض مطلق يبون شخص بسيط غير متكلف يعيش معهم حياتهم مرتاحين..



انتي استخيري الله مره واثنين وثلاث..

واعرف كيف الاستخارة بتحديد الهدف اللي هو اتمام الزواج اذا تحسنت الامور خير واذا تعسرت خلاص فكي..

وانتي اذا تأزم الوضع اتصلي بمركز استشارات اسرية واساليهم ..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

دلوعه ومنحوووسه .. لابق علي النك هههههههههه

هلا فيك حبيبتي .. مدري انا حاطه في بالي ان الانسان الي تعليمه بسيط ..

مايعرف يتعامل مع الناس وماعنده اسلوب : (

وماهو اجتماعي .. ومايختلط بالناس ..


بس اتمنى اكتشف اشياء عكس هذي ..

بس معقوله في ناس تبي ازواج تعليمهم بسيط .. غريبه والله

صحيح الناس اجنااس

بخصوص المتعلم والمتثقف الي مايطلع زوجته ومطين عيشتهااا هذا مو مقيااس .. وياكثر الي مش متعلمين ومطينين عيشة زوجاتهم ومايساعدوهم ومطنشينهم ..

يعطيك العافيه ياقلبي والف شكر لك فديتك ..