حبيبتى فترة الملكة او الخطبة ما هى الا فترة اختبار لكليكما اذا كان الحياة بينكم هتمشى سهلة ولا ممكن تكون فية مشاكل .اولا فرق السن فى صالحك لو استغلتية صح .انتى صغيرة وممكن تتدلعى علية زى ما انتي عايزة . اذا كان فية حاجة متضايقة منة فيها فلازم توجهية بيها وتشوفى رد فعلة مش تخافى من رد فعلة .اذا كان فية حاجة تخوفك منة فاحسن انك تعرفيها دلوقت مش بعد ما تكونى فى بيتة . وياريت يكون فية حد كبير عندك تثقى فى راية علشان يشور عليكى ازاى تتصرفى . عايزة اقول لك حاجة انا فى فترة خطوبتى اللى كانت قصيرة نسبيا كنت باتعمد اختبر رد فعل خطيبي( اللى هو زوجى دلوقت ) عندما يغضب او عند حدوث مشكلة بيننا حتى اكون متخيلة وجاهزة للى ممكن يظهر بعد كدة واحنا تحت سقف واحد واعتقد ان دة الصح . وربنا يسعدك ويكتب لك اللى فية الخير .