هناك قول شعبي يقول "لا تقرب من النار ولا تحرق اصابعك"
وش تبين من هالروحة خلك في بيتك ولا تفتحي عليكي باب احسنلك

بسم الله الرحمن الرحيم

اختي روعه انت الزوجه الاولى ولا الثانيه وبعدين في حديث لرسول صلى الله عليه وسلم للمؤمن على المؤمن خمس خصال ومنها اجابت الدعوه.

الاخوات كلهم حريم مجروحات اللي ردو في ردودهم بس انت اول شي بغظ النظر عن المشاكل لك هو تروحي ولا مالك هو هنا السؤال وبعدين هل روحتك للزواج حترفع رصيدك عشان لابد الزوجه الثانيه يجى يوم وترد الزياره ولا ماردتها زوجك بنفسه حياخذ منها موقف وبعدين انت لما تروحي اي مكان هم فيه خليك زي الضيفه وجبي وامشي لا تكوني ابو الفزعات وتخدمي وبعدين كل شي يجى على راسك خليك بعيد حبك يزيد.

وحتى لو لقحت في الكلام الخصران ( الحقران ) يقطع المصران فهمتو يا روعه كل شي بيدك محد يقدر يجبرك انت صاحبة القرار

ممكن هي تقول لزوجك شوف زوجتك كلمتها وشايفه نفسها ما تبغى تحظر اصلها وفصلها وخذي من الكلام اللي مالو لازم وانا بصراحه مدري اش رد زوجك وعلى كلامك زوجك مايل لها شوي ويصدقها عشان كده امش كل خظوه معاها بذات بحساب ولا تفكري في شي يضايق زوجك منك

وبعدين هل هي حتسيب اللي في القصر كلهم وتتفرغلك معتقد خليك في حلك وهي فاحالها وبعدين اذا سوت اي شي قولليها انا ماراح ارد عشان اخلاقي اعلى وارقى منك واحترامي لناس وقبلهم لزوجي وصدقيني الكلام هذا حيوصل لزوجك عن طريق اخواته او احد من معارفو ا وبعدين يا اختي نحن مو في حرب نحن في الدنيا هذي اللي مهي باقيه لاحد سوي خير وتلاقيه عند رب العاليمن..


انت صاحبة القرار تروحي وتغيري جو او تجلسي براحتك انت الاساس وفكري ولا تستعجلي لو تصلي ركعتين استخاره كمان
ممكن سبحان الله يطلع ظرف ما يخليك تروحي تكون خيره

سويها منتي خسرانه


ربي يحفظك من كل مكروه ويحميك قولي امين

لا تروحين مالها داعي لهي صلة رحم ولا حاجة خليها تفرح بزواج أختها إذا حضرتي بتكون متوترة ودعوتها لك عشان زوجك
فلا تروحين
وفقك الله

__________________

اذا كانت عزيمتها مجاملة فاعتذري بطريقة لطيفة و لا تروحي

هذا رأيي

على مبدأ " الباب اللي بجيك منه الريح سدو و استريح "

__________________
.
.

استودعتك أهلي في سوريا يا من لا تضيع ودائعه

هلافيكم أخواتي الكريمات


خلاص أنا وصلت لقرارمع زوجي قلت له أنا أستخيرالله عزوجل في الروحه عشان أبغاه يسكت ولايفكرهي أحسن مني


وأطيب وكلفت على نفسها وعزمتني


المهم أستخرت الله وحسيت بضيق وقلت له اللى ربي مختاره لي هو اللى راح أرضى به


وقلت له إني استخرت وماأبغى أروح وهوقالي إللي يريحك


وخلاص بلاوجع قلب وهم لالها شئ عندي وليس لي عندها شئ


وشاكره للجميع مشاركتهم الطيبه


تحيتي لكم

بسم الله الحمن الرحيم

عفوا يا اختي لتوضيح طريقة الاستخاره كثير من الناس يستخيروا وبعدين يناموا يقوم الشيطان يزينلهم الشي بلعكس والله اعلم اما حكايت انا استخرة على فلان يا ماما وحسيت بضيقه او انا يا بابا استخرة على الكلية ونمت جاني واحد في الحلم وقالي الجامعه احسن هذا كله مو صحيح ...

طريقه الاستخارة وهي ان الشخص لما يقدم على عمل مثلا انت رايحه لوظيفه قبل ما تخرجي من البيت تستخري بركعتين ثم تذهبي لاقيت السيارة عطلانه الوظيفه احد اخدها المدير ما داوم اتأخرتي على موعد المقابله هنا وقتها تعرفي انها خيره .... هذي هي الاستخارة الحقيقه ..

وبعدين انا زي ما قلتلك القرار في الاول والاخير ليك انت وبس حابه تروحي محد يغصبك حابه ما تروحي محد يجبرك بس ابغاك تريحي نفسك من دوش مشاكلها ..


والله يوفقك في حياتك