اغلبية الاسئلة راح تكون اجابتها لا..



لكن ابقى بداخلي فتاة.. اتمنى اكون ام.. اللي بعمري يحملون اطفالهم بيدينهم..


ابي يكون لي طفل يناديني ((ماما)) اشيلة بيديني.. ابي طفل احسه بوسط بطني يتحرك.. ابي احس بفرحة سماع اول صرخة يطلقها ابني..



مليت اشيل اطفال الناس.. احب الاطفال المواليد.. الحين صرت استحي اشيل طفل مولود.. من يد امه.. عشان ما ينفهم غلط..


صرت اتفشل اني اماشي بنات بعمري وهم متزوجات وانا لا..


صرت اتألم من اسمع فلانه وفلانه وفلانه اللي بعمري واللي اصغر مني.. قربت ولادتها.. او فلانه جابت بنت او ولد...


اتألم لما امر السوق واشوف ملابس الاطفال..


رغبة عارمه جدا بالامومة داخلي..



افكر اذا وصلت الثلاثين وفقدت الامل بالزواج.. راح اجيب لي طفل من الملجأ واربيه.. باخذ بنت..


عشان ما احد يقولي صار كبير وغير محرم لك..



والله المعين

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء