ما أدري أحس السالفة من أولها ظلم في ظلم

و ما بني على باطل فهو باطل

أول شي انج كنتي على علاقة معه و مرته لما عرفت الموضوع وااااايد زعلت عليه و عليج

و هذا ما يعني خيانة زوجها (( هذي بكل صراحة )) ، فالخيانة مو شرط تكون باقامة علاقة جنسية مع

حرمة غير مرته ، بالعكس الخيانة و لو كانت علاقة بالجوال و المكالمات و الا على التشات ،،،،

ثاني شي زواج السر ما به ضمانات لكرامة الزوجة ، يعني مو مثل زواج العلن

و دامه شي جائز و الله حلله ليش السر ،،، وش الغلط اللي سواه ؟؟؟

ثالث شي : ان زوجته ما تدري بالموضوع و هذا بعد غلط بل أكبر غلط ، لو عرفت لا سمح الله

و تركت له البيت و العيال بيكبروا بلا أب يرعاهم و يحميهم ، انتي مو تهدمين اسرة ؟؟!!

و تتوقعين لو لا سمح الله صار ذا الشي بيبقى حبه لج في نفس المكانة حب كبير و مصون ؟؟

و الا بينقلب عليج لأنج خسرتيه عياله و أمهم ؟؟!!

هذي العواقب و الاغلاط كلها المفروض فكرتي فيها ،،،،

و دحينه المشكلة صعبة شوي

انتي ظلمتي نفسج أولا بهالزيجة ، و لكن قدر الله و ما شاء فعل

فاتحي أبوج بهالمشكلة و احكيله على مخاوفج انو انا اخاف من كذا و كذا و كذا

و خلي أبوج يتصرف

و خبرينا وش بيصير وياج