تطبيقا لرأي الإخوة هنا
بأن أجلس معها جلسة خفيفة ودية للمصارحة
وللإتفاق على حل لهذه المشكلة



فقد قمت قبل قليل امتثالا لأمر
الجميع واتصلت بها وقلت سآتي لك وخلي الولد عند أمك
وقعدت انا وهيّا في غرفة لوحدنا بعد ماسلمت عليها
قلت أنا جاي أحل هالمشكلة وأتكلم فيها أنتي وش مزعلك بالضبط ؟

قالت أنا مازعلت
قلت إلا زعلانة عشان إيش كلميني
قالت أنت عارف ليش
قلت عشاني قلت لك أبغاه بخياط وأنتي تبغينه بمشغل
قالت أنا من أول نفاسي وأنا اقول لك أبغى أسويه بمشغل
قلت وأنا من أول نفاسك وأنا أقول لك تراي تعبان ماديا ً
هاليومين

سكتت

قلت يعني انا ما استاهل تسمعين كلمتي هالمرة وتسوين
فستانك عند خياط وأنا قبل ما بخلت عليك بشيئ
قالت أنا ماقلت لك أبي فلوس
قلت طيب وكلمتي ما تستاهل انها تنسمع ؟


قالت أنا ما أبغى فستان
قلت يعني بتطلعين على أهلي بقميص
قالت أحسن
قلت أنتي بهالكلام تحاولين تأدبينني
عشان ما أجي يوم ثاني أقول لك خيطي عند خياط
قالت لا أنت اللي تأدبني مو أنا
قلت يعني ... ؟
قالت اللي أقوله


قلت أنا جاي أحل المشكلة لا تسكرين الباب
قالت وانا أبحل المشكلة
قلت أنا مب حل أنك تقولين ما ابغى الفستان
قالت أنا خلاص ما أبغاه لا تعيد لي الكلام


قلت طيب أنا أستأذن
ورجعت مرة ثانية وقلت جيبي الولد
خليني أشوفه .

جابت ولدي وحبيته وضميته بعدين طلعت



يالله الخطوة الثانية
لأنكم تعرفون أنا أبغى أمشي خطوة خطوة
لأني أتهم نفسي بسوء التصرف فأبغى أشوف إذا الناس
عندهم غير اللي أفكر فيه ولا لا ؟