لا حول و لا قوة إلا بالله


أختي الكريمة ،، هدي نفسك و أعصابك .. معظم الرجال بيتدخلوا في موضوع الصديقات ليس من باب التحكم و لكن من باب القلق أو معرفة الناس اللي بتخالطيهم


و زي ما ذكرت أختنا عبير الرياض ،، إذا كان الموضوع على الخروج من البيت ، ياستي معلش تعالي على نفسك شوية و حاولي تقليليها


و حاولي يبقى ليك يوم في الإسبوع (و يفضل اللي بتكوني متعودة تخرجي فيه) و تقولي له إنك مش هتخرجي و حابه تقعدي معاه .. حاولي تقربي منه و تهتمي بيه أكتر


هو مهما كان زوجك و أبو أولادك و ما شاء الله تبارك الله فيه صفات حلوة إنت نفسك أشدت بيها.. حاولي تقربي منه و تشوفي اهتماماته و تشاركيه فيها و شديه ناحيتك و خليه يقرب من البيت ، عدم صرفه على البيت مخليه حاسس إنه شئ منفصل عنه . فحاولي تشركيه في كل أمور البيت حتى لو كان مش بالفلوس


و يا أخت الكريمة إنت قلتيها بنفسك ،، العيال و الضغط النفسي في بيت أهلك مش هيخلوك تطلبي الطلاق مرة تانية ، يبقى نصيحتي إنك تحاولي تحلي دنيتك بنفسك


و صدقيني يا أختي ، كل شئ في الدنيا ليه وجه أسود و وجه أبيض ، حاولي إنك تتغاضي عن الوجه الأسود و مش تفكري فيه و عززي اللون الأبيض و نوري بيه حياتك


ربنا يكرمك و يوفقك و يسخر لك قلب زوجك و يسخرك ليه و يرزقكم السعادة في الدنيا و الآخرة

__________________

	[blink]"و اصبر حتى يحكم الله و هو خير الحاكمين"[/blink]