أنا أقول إذا تزوجت من اللي تعرفه من الأنترنت راح تطلق في أقل من سنة ، قد مرة سمعت أن صار زواج مثل كذا .. تعارف عن طريق الأنترنت .. بعدين حب .. بعدين زواج ، لكنهم ماقدروا يكملوا أربع شهور .. بعدين تطلقوا ، لأن هو كل مايشوفها قاعدة على الكمبيوتر يشك أنها تكلم واحد ثاني ، وهي كل ماتشوفه على الكمبيوتر تشك أنه قاعد يكلم وحدة ثانية .. ( لأن هذا اللي كان يصير قبل زواجهم ، كان كل واحد يستغفل أهله ويقعد على الكمبيوتر ، ولافي أحد من أهاليهم دارين باللي يصير ) ،
حتى لما يروح للعمل يخاف أن زوجته قاعدة على الكمبيوتر ، لا ويجي أحيانا فجأة البيت عشان يتأكد ، والمصيبة إذا لقاها فعلا ً على الكمبيوتر هنا خلاص يجن جنون الزوج .. حتى لو هي تركت التعارف .
في الأخير تطلقوا .. عشان يرتاحوا من هذا الشك إلى الأبد ، مع أنهم كانوا يحبوا بعض .
8
8
8
هذا اللي راح يصير لها إذا تزوجت من اللي تعرفه ، عشان كذا ربي حرم هذي الطريقة .. ولو كانت هذي الطريقة سليمة كان أحلها ربي على الأقل ، لكنها حرام لأن نهايتها راح تكون الشك والطلاق .
بالنسبة أنها ماراح تنسى حبها الأول .. أنا أقول هذا من الشيطان ، بل بالعكس يمكن يكون زوجها اللي متقدم لها أحسن من اللي تعرفه أول بكثير ، ويمكن لما تقعد مع زوجها الجديد راح تستحقر اللي كان معها أول ، وأكيد راح تنساه مع الوقت .
وإذا خايفة مرة وماهي متاكدة أنها بترتاح مع زوجها الجديد ، خليها تستخير أكثر من مرة .. 5 ، 6 ، 7 .. لين ترتاح وتتزوج اللي خطبها ، أو ماترتاح وترفض ، يعني الحل سهل .
وإذا قررت تتزوج اللي خطبها ، أنصحها أنها ترسل للي كان معها على الأنترنت رساله على جواله ، مكتوب فيها .. إذا فعلا تتمنى لي الخير أستر علي ولاتفضحني والله يعوضك بوحدة أحسن مني ولاتنسى قول الرسول صلى الله عليه وسلم ( لا يستر عبد عبداً في الدنيا إلا ستره الله يوم القيامة ) .. رواه مسلم ، وقول صلى الله عليه وسلم ( من ستر على مسلم ستره الله في الدنيا والآخرة ) .
وبعدها تغير رقمها وتقطع كل علاقاتها فيه .
وأنصحها تتوب إلى الله توبة نصوحة ، والتائب من الذنب عن الله كمن لاذنب له .
وفي المستقبل إذا تزوجت تستر على نفسها قدام زوجها ماتقول له أنها مرة جربت الحب ، لأنه في ذي الحالة راح يطلقها ، حتى لو هو لاسمح الله مر بنفس تجربتها وصارحها .. هي لاتصارحه ، لأنها لو صارحته راح يطلقها .
أسال الله العظيم رب العرش العظيم أن يهديها ويسترها وينسيها حبها الأول ويعوضها بواحد أحسن منه .
أسال الله العظيم رب العرش العظيم أن يهدي صاحبها الأول ويستره وينسيه حبه الأول ويعوضه بوحدة أحسن منها .
03-01-2008, 11:31 AM
ضوابط المشاركة
العرض الشجري