الصراحة مدري وش أقول لك ، أنا بصفتي رجل أستفدت من تجربتك وقلت بسويها إن شاء الله لزوجتي في العيد < يعني إن شاء الله بتكسب فيني أجر ، بس يمكن لما تشوف موضوعك بنت .. يمكن تنقهر على نفسها خصوصا إذا كان زوجها مايجيب لها هدايا ، ويمكن في بنات أزواجهم مايجيبوا لهم هدايا بس تستغل موضوعك وتجيب هدايا لزوجها في العيد .. يعني يمكن في بنات ماينقهروا ويستفيدوا من موضوعك مثل ماأحنا الرجال أستفدنا .
أتمنى من الأخوات اللي أزواجهم مايسوا لهم كذا .. أنهم يتنازلوا ويسوا لأزواجهم كذا رغبة في الأجر والثواب ، وإن شاء الله زوجها مع الوقت راح يجيب لها هدايا ويسوي لها مفاجئات ، بس يبي لها صبر .
وأنبه الزوجات أنها ماتصارح زوجها وتستخدم معه الأسلوب المباشر .. يعني تقول له ليه ماتجيب لي هدايا .. أبغاك تجيب لي هدايا << كذا راح يحس الزوج إنك تنقصي منه ، وان هو مو معطيك حقك ، وإن هو مقصر عليك .
أفضل طريقة للتعامل مع الزوج (وحتى مع الزوجة) .. الأسلوب غير المباشر ، يعني الزوجة إذا تبغى زوجها يجيب لها هدايا ، كل اللي عليها تسوي تجيب لزوجها هدايا من فترة لفترة ، الزوجة اللي تبي زوجها يقول لها كلام حلو ماتقول لزوجها قول لي كلام حلو < لا ، تستخدم معه الأسلوب الغير مباشر .. تقول له كلام حلو دايم وتمدح فيه < هذا أفضل أسلوب ( للزوجة أو للزوج ) .. (الأسلوب المباشر خطأ) .
شكرا ً أخوي (أبو فلان) على الموضوع المهم ، ومعليش دخلت في موضوع ثاني .. بس موضوعك فتح لنا موضوع ثاني اللي هو .. كيف الزوجة تخلي زوجها يجيب لها هدايا بدون ماتقول له جب لي هدايا .
21-12-2007, 08:09 AM
ضوابط المشاركة
العرض الشجري