ليش مهملة نفسك بهالشكل؟؟؟ حرام انت بعدك بعمر الزهور والمفروض تكونين وردة مفتحة << أختي معليش أنا قاعدة ألوم عليك بس مثل ماقالت الأخت نبغى مصلحتك...
بس مع ذلك لاتشيلين هم ولاتضيقين صدرك انتي توك 18 سنة وبيمديك تغيرين من نفسك أشياء كثيرة والحمد لله إنك انتبهتي لنفسك قبل فوات الآوان وأنا أشوف ان عندك عزيمة قوية ومستعدة تهتمين بنفسك ,,, وهذي بداية مبشرة ,,,
بالنسبة لمشاكلك والله يا أختي أنا ما راح أفيدك إلا ببعض مشاكلك مو كلها لأني ما أحب أقولك على شي مو مجرب ومضمون ,,,
الشعر ... تحتاجين علاج مكثف وعناية لشعرك وطبعا ماينفع تستخدمين أي منتج تجاري وعلى كيفك ...
ضروووري يا أختي وأكرر ضرووووري يكون العلاج عند أخصائية شعر لأن في حالتك ماينفع تجربين خلطات وخرابيط شعرك تعبان ويحتاج برنامج وعناية مكثفة لعلاجه وترطيبه ...
وبعد ماتعالجين شعرك وتحسين بتحسن نموه وانه رجع طبيعي مثل قبل..
ابدئي باستخدام الزيوت وحمامات الزيت وماسكات الشعر وغير ذلك..
الأسنان ... طبعا وبدون تفكير تروحين لطبيب مختص ويعالج مشكلة الأسنان عندك واهتمي بتفريش أسنانك كل يوم مرتين إلى ثلاث مرات..
لترطيب الجسم وتفتيحه...
استخدمي هذي الخلطة جدا ممتازة وكثير مجربينها,,
جلسرين سائل + ماء ورد + عصير ليمون ... تخلط المقادير وتوضع على الجسم وعلى المناطق الداكنة فيه وتترك لمدة نصف ساعة أو ساعة حسب وقتك... الأفضل انك تستخدمينها يوميا لأن هالخلطة ترطب وتنعم وتفتح الجسم ,,
ترهل الثديين والإبط ....
مافي حل غير ممارسة الرياضة لشد المناطق المترهلة بجسمك ... وفي رياضة خاصة بالثدي بس ما أعرف كيف أشرحلك إياها أنصحك تبحثين عن طريقتها بمنتديات أخرى وأكيد بتلقينها,,,
أتمنى أكون أفدتك ولو بقليل,,,, وأنصحك يا أختي بالصبر وطولة البال لأن مافي شي يجي بسرعة ,,,
والله يوفقك حبيبتي وييسر أمورك ,,,
__________________
عذراً التوقيع مخالف
%يارب اسعدني بحياتي ووفقني%
30-11-2007, 02:46 AM
ضوابط المشاركة
العرض الشجري