انا بعطيج فكرة يمكن تعجبج..
اذا كنت مسويه كوشه يوم الملجه و محتفظه باي شيء منها مثلا ورده او شيفون او اي شيء ثاني استخدميه...
مثلا اذا الكوشه كان بيها شيفون عنابي و ورد.. ( تقدرين اذا ما كانت عندج تشترين شيء شبيه بيها )
المهم تاخذين الشيفون و تقسمينه قسمين ...
في الصاله او اي غرفة ثانيه غير غرفة النوم... تلزقين الشيفون على الجدار ( الحائط).. و تيبين صور العرس و صور الملجة و صوركم و انتوا مع بعض... المهم صور انت او هو او انتو الاثنين بس.. لا تحطين حد من العيله... و تلزقينها على الشيفون..( حطي اللزق من وراء الصوره عشان ما تخطرب الصور.. اوكي..
في غرفة النوم حطي قطعه من الشيفون على السرير و انثري الورود عليها مع كم صوره لكم نفس الي بالصاله بس بدون لزق..
و حطي له الهديه في وسط القطعه و تكون مغلفه بشكل حلو او تكون في صندوق...
تقدرين تشترين له ( ساعة ... نعال .... الخ)
و عند التسريحه .. فضيها من كل الاشياء و اشتري شموع حمراء اللون و اكتبي بيها كلمة احبك... و على المراه اكتبي بالروج كلمة احبك او اي شيء ثاني و اطبعي بوسه من شفايفج جنبها( صح بتتعبين في التنظيف بس اوكي عادي)
نحن ما خلصنا للحين..
يبي ورق قص و لزق مال ايام المدارس و قطعيه قلوب صغيره و كبيره.. و بعدين اكتبي على كل قطعه كلام مثل( احبك .. انت حياتي ... الخ) اكيد فهمتي الفكره... و لزقي القلوب في كل مكان على مفتاح الكهربائه ... على مقبض الباب.. على الشامبو.. على المراه مالت الحمام...
و اذا عندج طفل علقي صورته على باب غرفة النوم.. و اكتبي ( في مثل هذا اليوم من العام الماضي كنا اثنين)...
و تقدرين توصين على كيكة عليها صورته ...
اتمني اكون عطيتج فكره ... و مبروك مقدما...
اووووووووووه ... اهم شيء...
قبل ذكري زواجكم بيوم تاكدي انج تدقين عليه على الساعة 11 الا دقيقة و الساعة 12 تقولين له مبروك او اي شيء المهم تذكرينه بالموعد...عشان ما ينحرج و يكون مو مستعد....
16-04-2004, 03:20 AM
ضوابط المشاركة
العرض الشجري