أنا أعمل معلمة , وعملي أصعب من المعلم باعتراف الجميع هنا في السعودية
الرجل عندنا أيام العودة يجي يوقع ويروح , وحنا نجي وننطق أربع ساعات على الفاضي
المناوبة في الظهر يجلس نص ساعة ويروح ويخلي العيال وعندهم الفراش
وحنا ننطق مع البنات لين يروحن , ساعة ساعتين (نبروبلم)
هذا غير شدة التوجيه النسائي بخلاف الرجالي وصعوبة النقل النسائي بخلاف الرجالي
وحنا وياهم نفس الراتب , ومع ذلك نعمل ونتعب أكثر ..
والحين نرجع للبيت , الرجل ياسلام ينام ويرتاح ( انتهت مهمته ) وحنا هاتي طبخ غدا وسوي وحطي العيال يبون منك وقت وزوجك يبي منك وقت ونفسك تبي منك وقت , من وين هذا كله ؟ الله يعين , لاتقولون خلي الوظيفة , الرجل ماينشد فيه الظهر ,اليوم زوجك بكرة مطلقك ولا ميت والدنيا ماتنضمن , عرفت قيمة الوظيفة بعد طلاقي , الحمد لله فلوسي بيدي ولاقية نفسي في مدرستي ..


عندي سالفة برى الموضوع بس ودي أقولها
زميلتي زوجها له زملاء كلهم زوجاتهم غير موظفات , وتقول زوجي يشوف إني مميزة قلت ليش , قالت زملائه يشكون له من حريمهم , يقولون نجي تعبانين وحريمنا ودهن بطلعات العصر أو الليل وحنا مالنا خلق , وأنت اللي عندك تجي منهدة ماتبي طلعات ولا روحات ياحظك !!

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك