السلام عليكم

أختي حبيبية الاسلام .... بارك الله فيكي ... بالنسبة لموضوع العائلات المصريات المتواجدين في الكويت ... أولا للاسف لايوجد الا قليل جدا من المصريين في المنطقة التي اقطن بها .... ثانيا حتى لو وجدت عائلات مصرية ... بناتهم هيكونوا اما في سن الثانوية العامة (16الى 17 سنة يعني في الدراسة و لسه بقى لحد اما تخلص جامعة )

او انهم يكونوا خلصوا دراسة جامعة و يكون سنهم كبير شوية يعني من 23 فما فوق ..علما بأن سني 24

يعني اللي تناسبني فتاة تكون في سن الجامعة حاليا (19 الى 22 سنة) ... فبالتالي الانسب لي ان تكون من مصر ... و يفضل ايضا انها تكون كانت تدرس في دولة خليجية قبل اما تذهب الى الجامعة ... لانها سوف تتكيف على ظروف المعيشة في الكويت و مش هتكون خايفة من الغربة !!

اختي مبتسمة .... فعلا التاكد من اخلاق الفتاة مشكلة!! .. نحن ( انا و عائلتي) متغربين من سنين كتيرة في الكويت ( من قبل الغزو)... و للاسف تجدين ان موضوع السؤال عن البنت و أخلاقها و سؤال جيران عائلتها عنهم امر صعب ... بحكم انني لا اعيش في مصر ... لذلك تجدين كتير من المغتربين المصريين ( سواء الشاب او الفتاة) ينزل مصر و يقبل على الزواج بينخدع بسهولة من الشخص الاخر المتواجد اصلا في مصر ( و طبعا ده على اساس ان المغترب طيب على نياته و ممكن ينضحك عليه بسهولة و شفت نماذج كتير للاسف و من ضمنهم انا ) ... فالموضوع التأكد من اخلاق الفتاة صعب .. لانك عايش في الخارج ... و فترة الخطوبة قليلة للتعرف ... يعني اذا كنت عاوز تاخد بنت مضمونة الاخلاق .. لازم تكون عن طريق معرفة الأهل .. و ضامنين الناس دول .. .!!!

و شكرا على مروركم