معليش اختي دمعات الروح من جد شي غريب
يعني هي تمزح معاكم ولا من جدها ولاشعورياً تتكلم فصحى ؟
أسألي معلمتها في المدرسه يمكن شكلهم معودينهم يتكلموا فصحى فيما بينهم
احنا عندنا بعض المدارس اسمها الفصحى تلقي البنات يتكلموا فصحى مع بعض ...
وصاروا يتكلموها في البيت

__________________

سبحان الله هي تتكلم الفصحى لغة القرآن

وأنتم تكرهون ذلك

عجبي عليكم

أرى أن تتعلمو أنتم اللغة الفصحى

وذلك حتى تتمكنو من الحديث معها

ابدا ماهو اعتراض بس خوفا عليها تتحرج

يعني احنا بنتعلم الفصحى طيب نلزم كل الناس تتعلم فصحى علشان تحادث بنتنا مو معقول!

وانا ماطرحت الموضوع الا لان بنت عمي اليوم جاية تقول لي اليوم اولادها صاروا يتكلمون مثل اختي

يعني اثرت على الي معاها
مادري بس حسيتها مشكلة مابيها تتحرج او احد يامرها وينهينا اسكتي لا تتكلمين بهالشكل وتكلمي عدل
مابي كل مرة موقف يتكرر معاها من الناس احنا خلاص تعودنا عليها

بس لما يضحك عليها احد تستغرب او ماحد يعيرها انتباه لما تتكلم

اسعدني مرورك الكريم وحرصك على لغة القرآن بارك الله فيك

__________________

انا مع الاخ ابو احمد
سبحاااان الله نحن نحاول غرس اللغة العربية في نفوس ابنائنا وانتي تقولين مشكلة

لاحول ولا قوة الابالله

هلا وغلا بام يارا

اختي بالعكس اعرف انه شي مميز والمفروض نسعى له

تعرفين وين المشكلة

انه يتعبرونها حالة شاذة لمن تتكلم ويضحكون عليها

وتهتز ثقتها بنفسها وتحس نفيها تسير بالمقلوب وغير عن الناس العادية في نظرهم

انا من خوفي عليها اعتبرتها مشكلة

وبالخصوص لما بنت عمي البارحة تقول لي تصدقين اولادي صاروا يتكلمون مثل اختج وكل ماقولهم تكلموا عدل يصرون على كلام اختج

حسيتها متضايقة مع اني ماقدر امنعها من الكلام معاهم

مابيها تتعقد من الناس هذي المتعقدة

شرفتي اختي
وشكرا لمرورج

__________________

لا ماتمزح اهي جذيه لا شعوريا تنطلق منها الكلمات
بالعكس مدرساتها اعرفهم لاني انا متابعه لها بكل دروسها وكل شي بحياتها يخصها اعرفه
مدرساتها كلهم عادي يتكلمون وبلهجتنا الا بس اللغى العربية والتربية الاسلامية شويه الي يحتاجه الدرس بس

اهي كان نطقها ومخارج الحروف الحروف عندها جدا ممتازة من عمرها سنة ونص الى سنتين صارت تتكلم عدل بس تقلب بحروف الكلمات
يعني مثلا واحد تقول حاود
بركاته تقول ركباته

سمج قلبتها مرة واحده تقول خميس فصار الوالد يعدل لها يعلمها سمك
بعدين صارت تجوف الرسوم المتحركة يتكلمون فصحى وصار بوقت الي دخلت فيه الروضة
وكانت مدرستها بالروضة دايما تكلمهم فصحى
وكانت تشوف قناة سبيس تون يتكلمون فصحى مثل معلمتها فكانت تسأل امي الرسوم المترحكة يتكلمون صح لانه قرنت هالشي بمعلمتها ولحبها لمعلمتها وامي تقول لها اي صح
واخذت عليها
اشكر مرورج اختي اسدعني تواجدج يالغلا لاهنتي

__________________