مرحبا حبيبتي الغالية
الدنيا مليانة مشاكل بس اللي ابا اقولك اياه انه زوجك مب الوحيد انا بعد سمعت عن وايد رجال يمارسونها
انا متاكدة انك قادرة تغير زوجك وتخليه يبطل هذي العادة بس بالصبر وانا اقولك احنا الحريم خلقنا ربنا بقدرات تخلي اي شي نباه نحققة مهما كان صعب
اول شي خلي علاقتك بربك قوية وايد وايد وخلي زوجك يلاحظ هالشي
الدعاء حل لكل المشاكل ادعي الله انه يهديك وانه يغنيه بحلاله عن حرامه
لا تتخلي عنه حسسيه دايما انك معه وما راح تفظحية ابدا حسسيه بهشي
صاحبيه خليك صديقته قبل زوجته عززي من ثقته بنفسه واهتمي فيه دلعيه
السموحة ع كلامي بس حاولي تعرفي كيف يمارس عادته وحاولي انك تعمليها له يعني بدل عن يقوم بروحه يمارسها خليك انتي تسويها بدالة هذي الخطوة يبالها وقت مب مره وحده بيصارحك ويخليك تشوفية وتساعدية
املي الفراغ الي بحياتة لانة يحتاج حد يكون معه
ابا اقولك شي حاولي تغيري من اخلاقة واصحابة بس بعد يبالها وقت
احتسبي عند الله همك وقولي يارب ابا اصلح شخص واقربه منك
ويارب الله يسعدك ويهدي زوجك ويرزقكم الذرية الصالحة
24-09-2007, 02:05 AM
ضوابط المشاركة
العرض الشجري