(اللهم آجرني في مصيبتي واخلف لي خيرا منها ) حبيت اذكرج بهالدعاء وآثاره مع مروور الوقت ...

فديتج لاتقولين ع نفسج حزينة بالعكس انتي ممكن تكونين اسعد مني ومن غيري تدرين ليش لأني رب

اذا حب العبد اختبره وابتلاه والحكمة من هالشي يشوف مدى قوة ايمانج مع القدر اللي يمكن ان الواحد

يصادف فيه ملاييين الاشياء ... حبيبتي ماعليج من رمسة الناس والقيل والقال ترى الناس ماتسكت ولا

تشبع من سيرة فلان وعلان ومايترس عيونها شي ... انتي وكلي أمرج لله واحمدي الله واشكريه دوووم

وصدقيني رددي دايما ( اللهم ارزقني من حيث لااحتسب ) ورددي دايما ( اللهم دبر لي فإني لااحسن

التدبير) وصدقيني مع الوقت بتشوفين آثار هالأدعية ف حياتج .... عندي ملاحظة ع كلامج ف موضوعج وهي

((للأسف زوجي طلع موضعيف جنيسا لأ.. طلع ضعيف الشخصية والإرادة.. واستسلم بسرعة!! مادري هل السبب كان فعلا هو السحر ولا العين ولا المرض؟؟.. بس الأكيد ان واحد منهم هو السبب ))

صدقيني قصتج مشابهة جدا لقصة ربيعتي وهي من أعز الصديقات ع قلبي والسبب السحر والعين والحسد

والنتيجة النهائية شو كانت وفاة زوجها بعد اسبوعين من عرسهم مع العلم ان ماكان داخل عليها والسبب

السحر والربط انتقام من بنت عمه لأن ماتزوج اختها ..... شفتي كيف مصيبة أحسن من مصيبة ... صدقيني

ان ريلج كان يحبج لا ويموت فيج بعد بس السحر والعين خلته يتصرف تصرفات لاإرادية معاج مثل الهجر و

التطنيش وثقي ان حب هالسنين اللي كانت بينكم مستحيل يغيره شي ... بس مثل ماقلت لج الحسد

والغيره يسووون وايد أشيا ولعلمج عزيزتي ان انتي مثل ماكنتي تتعذبين ثقي ان كان يتعذب مليوووون مرة

والدليل انج يوم شفتي هيئته متغيره ... وماتدرين يمكن القدر اللي فرقكم يرجع يجمعكم ... وانا اتمنى

هالشي ...وموفقة الغالية ف حياتج ولاتخلين حياتج لليأس والتفكير ابدي حياة يديدة واحمدي الله على كل

حال ...



اختج :
تذكار81