واجد شباب الحين مو قادرين يتزوجون بسبب البطالة وسوء الحالة المادية ويتمنون أي زوجة حتى لو كانت عادية وفيها عيوب.. وانت زوجتك ما فيها عيوب مثل ما قلت، وغير كذا راضية فيك، ومع ذلك تبي تتزوج عليها؟؟!
ليش طيب؟
ليش هي ما ملت منك وقالت طلقني ابي اتزوج غيرك؟!
ليش بعض الرجال عيونهم زايغة وقلوبهم ما تكتفي بامرأة واحدة وأنانيين؟؟!

صحيح الإسلام حلل الزواج مرة ثانية وثالثة ورابعة، بس لا بد يكون فيه سبب مقنع يدفعك للزواج.. مثلاً ان تكون زوجتك مريضة وما تقدر تجامعها أو تجيب منها عيال.. أو تكون مؤذية لك وتبي زوجة غيرها تعطيك الحب والراحة المفقودة.... وغيره من الأسباب.
والله عز وجل قال في كتابه الكريم: "ولن تستطيعوا أن تعدلوا بين النساء ولو حرصتم"... فهل تعتقد انك قادر على انك تعدل وتسعد الثنتين معاً؟؟؟

وبصراحة زوجتك غلطانة في موقفها.. وان سوت هالشي فهي مجنونة وبايعتها.... بس هي معذورة بنفس الوقت لأن طريقة كلامك معاها جارحة و(غبية)!...... مع احترامي لك، بس من جد ما عندك أسلوب!! لا وتبيها توافق بعد الطريقة القاسية والمهينة اللي كلمتها فيها؟.. ما كأنها زوجتك وإنسانة لها مشاعر وأحاسيس؟؟!

__________________