السلام عليكم ورحمة الله 00


تقدم لي شخص وانا عمري صغير 15 سنه تقريبا فرفضه الوالد لانه كبير كان في سنه رابعه جامعه

قال اذا تبي لها خوات قال لا 00

تقدم لي شخص ايضا في حياة الوالد ورفضه وطبعا مالوم الوالد لان رفضه بمكانه لاسباب ولكن في هالمره

قال البنت لولد عمها كان عمري 16 وطبعا الكل عارف ان ولد عمي يبيني لكن انا وخواتي واخوي رافضين والسبب

امه انا ماراح اشرح الاسباب اللي بالتاكيد راح تقدرونها 00 لان خواتي عارفينها ماخذين 2 من اخوانها

سبحان الله كلنا نعز ولد عمي لكن كل من حوله اهله وبيئته ما تشجع 00

توفى ابوي و عمري 17 و طبعا ولد عمي أوصله الرفض 00 وصارحته اختي بالاسباب

وانا واختي تقدم لنا من بعدها شخص لكن كلنا رفضناه بسبب اهله + شغله + الديره اللي عايش فيها

بقريه صغيره محد يتحمل السكن فيها

من بعدها تقدم لاختي شخص اخلاق + وظيفه ( الشكل اكذب اذا قلت جميل اقل من عادي )

و اخو لام ولد عمي والاخ 3 اللي بياخذ من خواتي والله مافكرت باي شي استاخرت ورفضت

وطبعا اخوي رافض بس قال اذا تبينه ماردك خواتي يمدحونه بالاخلاق والطيبه وهو قال خواتي رافضين

وزعلانين بس انا ابيها ماعلي من احد 00 لكن اختي قالت اولا مارتحت + اروح لناس مشاكلهم كثيره

وعارفه اولها ليش اطولها 00 ووصله الرفض


من بعدها مشاء الله رضى على خواته وحده حجــجها + حفله من خواته بمناسبة الرفض ___> الحمدلله ان اختي رفضت


تقدم شخص لاختي لكن يدرس بالجامعه كان بسنه ثانيه وهي رابعه بسبب تحويله من قسم لقسم
لكن رفضت قالت مو موظف و زياده هو المسؤول عن اهله بكل شي يعني حرام عليه حمل مو قد زواج الا
بعد فتره طويله ليش اقبل واقعد بفتره ملكه 4 سنوات وطبعا رفض بعد استخاره وعدم راحه

تقدم لي شخص اخلاق و مركز وجمال لكن عرفت ان فيه عيب خلقي وحده من عيونه تركيب 00 ماتقبلت هالشي


واللي خايفه منه حمى اختي يكلم بنت اختي ويسال عن عمري يفكر فيني كزواج

انا عمري 21 وهو 20 و مو متقبله فكرة الزواج باصغر مني


وخايفه 00 احس بالذنب إذا جاء من ترضون خلقه ودينه فزوجوه 00 بالله تجاوزت اللامعقول ؟

لدرجة في من الناس يعتقد اننا مغرورات بجمال او تعليم او غيره والله السالفه مو كذا

سبحان الله كل من تقدم فيه اسباب قويه للرفض


ممكن رايكم بالموضوع