اشكر الجميع ،، امس قالتلي انا احس ان فيه شي يدفعني لأجل اسوي مشاكل معاك وأنا متضايقة من اللي اسويه ، حتى في الصلاة تقول اجاهد نفسي مجاهدة عشان اصلي حاسه بثقل وحزن.

بصراحة انا قررت اوديها للشيخ يقرى عليها لأن انا اذا قريت عليها تهدأ خاصة وقت النوم لأن النوم ما تنام بسهولة فإذا جيت اقرى عليها على طول تنام..

__________________
قال صلى الله عليه وسلم " لا تسبو اصحابي فوالله لو انفق احدكم مثل احد ذهبا مابلغ مد احدهم ولانصيفه "

إحتويها بالحب والحنان

يمكن فيها مس

__________________

اغدق اغدق اغدق اغدق عليها من الحنان!!!...........هو المسكين خلا نوع من انواع الاغداق وما اغدقه عليها؟؟...اغدقها لين طلعت له قروون لكن عبث!!

عموما اخي الكريم والله هذي مصيبه كبيره لله يعينك عليها , لكن وش تسوي هذا حظك الاكشر ونصيبك انك تتزوج وحده بهالمواصفات.

طبعا ضايقتني بعض الردود اللي تقول ليه تشدها من شعرها؟؟؟ طبعا انا ضد ضرب الزوجه وفعلا من يضرب زوجته ليس برجل هذي قناعه لدي. لكن يااخوان بعض النساء هداهن الله مثل ما قال الاخ عن زوجته لسانها متبري منها !! والرجل بطبيعته يرفض الاهانه اذا جاءت من اخيه فيكف زوجته تهينه او تتهمه برجولته او توصفه بنوع من انواع الحيوانات؟؟؟ انا افهم ان زوجته وطولة لسانها اكتسبتها من اهلها لان ابوها كان يضرب امها وبالتالي اكيد كان يردد كلمات نابيه وسوقيه وتربت البنت على هالاساس!!

اخوي انا اعذرك ان ضربتها او شديتها من شعرهاااا لانها اكيد تجاوزت مليون خط احمر حتى اوصلتك الى ماانت فيه....!!! لكن الضرب ابدا مش وسيله ولا علاج

لكن ماشاء الله عليك والله انت انسان قلبك كبير ومن خلال كلامك يظهر اهتماك الزائد بها وهي تستحق زوجتك في النهايه وام طفلك...فالرفق اخي الرفق في معاملتها ..وانا ضد اي شخص يلومك او لامك هنا في موضوعك لانهم الظاهر لم يفهموا ماقدمت وتقدم لها من حنان...وا والله ياخي الفاضل لك اجر كبير عند رب العالمين لرعاية لهذه الانسانه وتحملها....

نصيحه اخيره اخي الكريم عندي اختي كانت تتضايق وتشعر بثقل شديد وقت الصلاة...ونصحنا بعض المشايخ جزاهم الله خير بان تقرأ سورة البقره بشكل يومي !!! واقسم لك يااخي من يومها واختي ولله الحمد لم يعاودها ذالك الضيق ابدااااا..!!! وهذا من واقع تجربه..

اطلب منها قراءة سورة البقره كل يوم ستشعر بضيق في البدايه ولكن سرعان ماتتغير نفسيتها!!!
وياليت تكون جنبها اثناء القراءه او تقرؤنها مع بعض فتكون اسهل لهااا.

في النهايه انت انسان عظيم وووالله انت كبير ولو اي شخص ثاني كان مكانك لما صبر كل هذا الصبر لكن والله هذا يدل على نبل اخلاقك وسعة صدرك وحلمك اخي الكريم.


اخووووووووووووووووك الميتروووو

__________________

اخوي المترو ..
جزاك الله خير على كلامك ،،، المشكلة هي من القرايب ووضع اهلها اللي هم قرايبي زي الزفت ومو ناقصين هم بنتهم عندهم مشاكل الدنيا من جميع النواحي والله الواحد متحمل هذي العيشة عشان أطراف كثيرة جداً أولها هي والولد ... لكن المشكلة الإنسان له طاقة قسم بالله احيان كثيرة احس نهايتي قربت اقول دايماً اكيد نهايتها جلطة وإلا سكته والسبب الضغط النفسي الرهيب...
لكن راح نصبر ...ما قلتلي وش رايك في موضوع الرقية عند الشيخ.؟
والله يجزاك خير

__________________
قال صلى الله عليه وسلم " لا تسبو اصحابي فوالله لو انفق احدكم مثل احد ذهبا مابلغ مد احدهم ولانصيفه "

الزوجه مافيها شي .. بس مدلعها انت بزياااده اكشت فيها خلاص انت مو مقصر وياها
شد وارخي وشووف شنو النتيجة اللي وياها اذا تبي تموووت قوولها مووتي شسويلج يعني
اذا انتي عايفتنا وحياتج رخيصة عندج ترى حياتنا غاليه علينا ..

وأكثر من الطاعات والعبادات داخل البيت لطرد الشياطين

__________________

يمكن يااخي مسوين لها سحررعلييك

اويمكن هي مصاادفه يوم كانت ببيت اهلها من اللي يصير فصار فيها مسس

ربي يشفيهالك

__________________

][ يارب ][

كلما فكرتـ بكتمان حزني أرعبني قولكـ:
(( وابيضت عيناهـ من الحزن فهو كظيم))
وكلما فكرتـ بالبوح بصوت مرتفع تذكرت قولكـ:
( وبشّر الصابرين )
فيرعبني أن يُضيع بوحي .. أجري وبشارتي،


اللهم إني أسألكـ صبراً لانسيان فيهـ ،،

مرحبا ماودي اخرب بيتك بس بعض البنات يبغالهم شده علشان تعقل انت منت مسئول عن ضروفها عنداهلها لو انت كيذا كان ما صبرت عليك المهم انا من خبرتي انك تخليها عند اهلها اسبوع اسبوعين لين تعقل يعقلونها اهلها او تعرف ان انت ارحم من اهلها وتعقل وترجع هم الي يبادرون بلاتصال لك انا ماقلت تتطلقها تئدبها وشرع يقول كيذا حكمن من اهلهاووووو

اخي المحترم .. من خلال قراءتي لمشكلتك .. ومن خلال دراستي .. اللي هي علم نفس ... اتوقع انه زوجتك تعاني من مشكله نفسية سببتها لها طفولتها .. مابنقول مرض نفسي ولكنها مشكله تحتاج للتفهم والصبر والعلاج ..
اللي شافته في صغرها سبب شرخ في شخصيتها .. خصوصا انه السنوات الست الاولى هي اهم السنوات في تكوين شخصية الطفل .. فعلى هالشي هي صار لها عقده وخوف من تكرار اللي حصل لامها فيك .. لعلاج المشكله لازم توجد الاسباب وتحلها .. اقعد معاها جلسة مصارحه .. حسسها بالامان والحب والهدوء .. خلها تتكلم وتعبر عن كل اللي بخاطرها .. لاتعاملها على اساس انها مريضه او معقدة نفسيا .. عاملها على انها زوجتك حبيبتك ام عيالك وتبي تساعدها وتوقف معاها ... بين لها انك مو مثل ابوها وانك راح تكون السند لها في هالدنيا .. اي مرة تحس بالضيق او بأي شي خلها تصارحك على طول وانت خلي صدرك رحب لها في اي وقت .. لاتخلي خوفها ينعكس على تصرفاتها اذا ماعبرت او صرحت باللي تحسه واذا هي ماقدرت تعبر لك .. اشتر لها دفتر حلو تكتب فيه كل اللي تبي تقوله لك وماتقدر .. واذا كانت حابه انها تعطيك اياه تقراه مافي مشكله واذا مابغت فانك تحترم قرارها .. صدقني مو العلاج انك تسوي لها اللي تبيه بدون ماتفهم شنو السبب العلاج انك تعرف ليش هي تبي هالشي بما معناه انك تفهمها .. في المصارحه كل طرف يحدد ايجابيات وسلبيات الطرف الثاني وشنو يتمنى منه .. علشان تقدرون تصلحون من السلبيات وتطورون من الايجابيات .. لاتلومها وتبين انه هي السبب في كل شي .. لما تكلمها بين لها انكم مو قاعدين للوم والعتاب وانما لاصلاح ماتضرر وتعديل العيوب من الطرفين ...
مع احترامي الشديد لبعض الاعضاء وانما انا مااتفق مع اللي يقول اتركها بيت اهلها وادبها شنو احنا وين عايشين هذي مو حل ابدا .. البنت تعاني وماتنلام واللي يصير غصبا عليها وهو زوجها ملزوم فيها اذا هو ماوقف معاها من يوقف ؟؟؟ لايصير هو والزمن عليها .. البنت عاشت في ظروف صعبه حزت في نفسها واثرت عليها ومحتاجه انها تتخلص من العقد والتراكمات اللي داخلها بالتنفيس عنها .. واعتقد انك قبل لاتاخذها كنت عارف بظروفها فبالتالي لازم تكون قدها وتتحمل نتيجه اختيارك بقناعه وحب وتفهم.. على فكرة ترى حالات التشنج والاغماء رد فعل من اللاشعور نتيجه التراكمات النفسية لجذب الانتباه او الهروب مااقدر احكم بالضبط عدل بدون دراسة للحالة .. بس فعلا البنت محتاجه لاختصاصي في الارشاد النفسي مو طبيب نفسي ..
عموما اخي القلب الحيران اتمنى لك التوفيق في حياتك والله يسعدك ويهدي زوجتك لك ان شاء الله ..

اختكم في الله

روح حالمة

مشكورة اختي روح حالمة وإن شاء الله راح نحاول ونحاول...

__________________
قال صلى الله عليه وسلم " لا تسبو اصحابي فوالله لو انفق احدكم مثل احد ذهبا مابلغ مد احدهم ولانصيفه "