زوجك مزاجــــــــي درجة أولى

الحمد لله مافيه أي شي ويصلي ويخاف ربه فيكم ومايقصر

العلاج مش صعب مره للمزاجين

وأنا أشوفك عرفتِ علاجه بتصرفك معك أثناء زعله

شخصية زوجك من الشخصيات اللي تبي كل شي على مزاجها

من غير مايتكلم ولو ماصار اللي يريده تصير ردة فعله الصمت والإنسحاب

أكيد هذي الطريقة مُتعبة للناس اللي حوله وهو مايحس بكبر خطأه إلا لما يوقّفه أحد عند حد

مثل مافعلتِ معه لما زعلتِ وتكلمتِ وفضفتِ عن كل شي

أتوقعه كان من زماااان يتمنى يسمع فضفضة منك وحتى يسمع صراخك وإنتِ في المقابل

كنتِ تحاولين تدارينه وتسكتين وتحترمينه وهذا الإختلاف عادي لأنه كل من الرجل والمرأه

لهم تفكير يختلف لكل مشكلة وبشكل عام نظرتهم لكل شي تختلف

الآن ماعليكِ إلا إنك تشوفين أكثر التصرفات اللي تعجبه منك وتنفذينها علشان يرضى

وإذا حسيتِ برضاه لازم تتكلمين معه وتفتحين حـــوار بينكم وتسألينه عن كل شي يتمناه منك ؟

والأشياء اللي يحبها ؟ والأشياء اللي يكرهها ؟ وشوفي كيف راح تسمعين أشياء ماقد جت على بالك

وبالمقابل أيضاً تكلمي أنتِ عن كل شي ، عن إحساسك وقت زعله ؟ وعن ضيقك ؟ وكيف إنك تحاولين

ترضينه ومايفيد وووو

الحوار بين الزوجين يفتح عقولكم لأشياء قد تكون غائبة عنكم وماأسهل تطبيقها

وأصعب شي إنه المواقف والتجارب وردّات الفعل تتراكم وحدة ووراها الثانية ومايبقى بين الزوجين

إلا الصمت والحركات التي تدل على الضيق فقط .

أتمنى أكون وصلت لنقطة غائبة عن ذهنك ووصلك المعنى

وفقكم الله وسخركم لبعض .