أخوي أولا: .. مبروووووووووووووووووووووك عليها الحمل .. وإن شاء الله تكون الولادة سهله عليها<<مستعجلة الاخت..

ويكون ابن صالح \ ابنه صالحة >> كأبيهم :::: صالح بن صالح ::::

ثانيا:
اصبر عليها شويتين زيادة .. لكن مب صبر الساكت عن حقه !!!


يعني وأنا أختك .. أقولك ...


عطها مصروفها الشهري ولا تذلها فيه ..كل ما تشوفها .. وين تودين فلوسي ووين تجيبينها .. خلها تتصرف .. هالشهر بتخلصة وما بيبقالها شي و الشهر الجاي أتحداك إذا صرفت منه وايد .. ولا وبتخبي للشهر اللي بعده .. << بس نصيحتي لا تذلها وتقولها أختي تاخذ كذا وعمتي تاخذ كذا .. وفلانه تصرف كذا وعلانه ما تشتري << ترى ألعن ما على الحرمة المقارنات شراتكم .. تكرهووووووووووون المقارنة ونحن بعد كذا..البنات

إذا قالتلك نطلع << شو فيها .. الحياة إلا هي دقايق وثواني .. مستخسرها في المسكينة زوجتك .. خلها تفرح معاك .. وإذا ما ونستها منو بيونسها يعني ؟؟؟ وإذا كنت ما تقدر أو تعبان أو .. .. فكلمها وناقشها .. وقلها سبب رفضك >> لا تخليها تتجنن وهي تفكر بالسبب << ولا تقولها ترى مالي خلق طلعات عقب تروح تدق ع الشباب وين رايحين اليوم؟؟؟!!! ترى بعد يقهر!!

وعلى سالفة أهلها.. فهم أكيد ناس ذويقين .. عشان اختاروك زوج لبنتهم .. وهي لمن تمدحهم .. يعني تمدحك ... لأن الزين ما يختار الا الزين ...ولا شو؟؟ ولا تحط حساسية من هالموضوع .. والحرمة إللي تقدر أهلها .. تقدر زوجها.. وأكيييييييييييييد هي تقول نفس الكلام عنك قدام اهلها زوجي وزوجي وحاشرتهم فيك .. وكل هذا ليش .. لأنها تحبك وتحبهم .. ويمكن هي تزودها حبتين وتكثر في الموضوع .. فلو انت فهمتها بأن المعلومة وصلت وإنهم ناس زينين عشان اختاروك >>وقلها هالكلام << وأكيد ما بتقوله مرة ثانية ...

وإذا ع الخطاب اللي جوها .. فهذا يدل إنها انسانة زينه واهلها من عايلة طيبة .. وقولها .. إذا عجبوج روحيلهم وتركيني وسوي نفسك زعلان .. واتركها تفكر باللي قالته .. وصدقققققققققققني ما بتعيدها... بالعكس يمكن تجي تعتذر بعد ... وبصراحة : شكلك محسسها بأنك متضايق على فسخ الخطوبة من الاولى .. عسب كذي هي متضايقة و تريد تحسسك بأنها أحسن عنهم ...فلو تنسى السالفة وتعيش حياتك أحسن لك ولها .. وحسسها بأن ولا ع بالك أصلا ..

وإذا على سالفة المشاكل اللي تحصل بينكم .. وهذا لأن كل واحد منكم >>بلا استثناء .. شايل ف قلبه ولو ذره على الثاني .. عشان كذي ما تتحملوا من بعض توافه الامور .. فلو حاولتوا تقعدوا مع بعض وتتناقشوا وتصفوا الحسابات << بطريقة رومنسية جميييييلة .. عشان إذا كل واحد بدأ يزعل الثاني يتذكر الصفحة اللي فتحتوها سوى .. واللي طبعتوا عليها أقوى علاقة حب ..مستحيل تهزها اشياء سخيفة..

ولو على سالفة الطلاق >> فما أعرف شقولكم يا الرجال .. أسهل كلمه على لسانكم ... الطلاق .. مع إنه أبغض الحلال .. وآخر الحلول .. أما انتوا خليتوها قبل المشاكل .. هداكم الله ...

لا زم تعرف إن المشاكل اللي بينكم عاااااااااااااااادية .. وتصير بين إي اثنين ... وما توصل للطلاق .. وأكيد انت تحبها ولو ما تحبها ما كتبت ف المنتدى تدور حل ... صح؟؟ وهي اكييييييييييد تحبك ... بس يمكن يخونها التعبير حبة ونص

وفي الأخير ... عسى الله إنه يوفق بينكم .. ويجمع بينكم بكل حب ومودة وسكينة .. وعساه يكتب في قلبها حبك وفي قلبك حبها .. وتستبشرون بالمولود ويكون خير عليكم ورحمة من الله تعالى ,,,

وأتمنى ما أكون طولت عليك..

أختك

__________________