الصراحة خوفتينى حسيت من معنى كلامك انه حتى لو بان انه كويس وبيصلى وملتزم انه برضو ممكن يبص لغيرك ومش اى بصه
بس نصيحتى ليكى تقوليله انك بتضايقى من نظراته للبنات
وتقوليله اذاكان انا مش ماليه عينك ليه اتجوزتنى يعنى قصدى تحسسيه انك مش حاسه انك ماليه عينه علشان يراجع نفسه ويندم انه جرح شعورك مشكلتك مش صعبه والله
بس كلميه واتقربى منه ولما تشوفيه بيبص لواحده اعمليها بهزار واقرصيه او اعملى اى حاجه بهزار وقوليله ماتبصش لحد غيرى وكل ماتبص هقرصك يعنى اعمليها بضحك وهو مع التكرار هيبطل يبص هيفهم انك فعلا بتضايقى انا والله بعمل كده كل بصه بقرصه لحد ماحرم لانى ببقى ديما ببص هو باصص فين فاحرم خلاص عارفه كمان انتى بتفكرينى بنفسى وانا مخطوبه كنت بتكسف اقوله اى حاجه ولما كنت بشوفه بيبص على واحده اتكسف اقوله حاجه واطق من الغيظ بس دلوقتى خلاص يلا حاولى تعملى زى ماكلنا قلنالك وقوليلنا ايه الاخبار
صحيح والله كمان واحنا فى شهر العسل كان قدامنا فى الفندق بسين كان يقعد يهزر ويبص على البنات بس انا برضو مش بسكت وبعملها بهزار واعمل فيه اى حاجه بصى ياحبيبتى حاولى تدخلى روح المداعبه بينكم وان شاء الله هيبطل
وبقولك للمرة التانيه مشكلتك مش صعبه والله وحاجه عاديه بتحصل مع اى واحده وخصوصا انك عارفه الرجاله وعنيهم ربنا يهديهم يارب بس الرك برضو على الوحده وشطرتها يعنى اتحركى كده وخليكى واعيه واى حاجه تقابلك اعمليها بهزار لو بتتحرجى تقوليله حاجه وربنا يوفقك يارب وحاولى تنسى اللى حصل معلش سامحيه وكمان حاولى تصرحيه وتقوليله انك زعلانه منه وبعد كده هتحسى ان خلاص نسيتى اللى حصل وهو اكيد هيحس بينه وبين نفسه حتى لو مااعتزرلكيش
معلش كلامى ملغبط بس لانه عن تجربه وحسيت بيكى والله انا اول مرة احس انى عايزة اكتب كل الكلام ده .....ربنا يوفقو يارب....