في البداية الله يهديها ويغيرها ويحببك لها ياارب ..

من رأيي ..
هل إذا زرتيها او شفتيها في مكان ... تقبلي راسها ؟!!
إذا ماكنتي تقبلي راسها قبليه في الدخول والخروج .. له وقع أثر حلو ويجذبك لها ..

إذا كنتي معاها ومعاكِ زوجك وكانت تبي تروح مكان مثلاً بادري بقول فلان( اسم زوجك) وصل (عمتي أو حماتي حسب مانتي متعارفة عليه )
يعني لاتقولي لها أخلي فلان يوصلك ..لالالا .. انتي قولي لزوجك قبل حتى لا تسأليها ...

حاولي تساعديها في المطبخ بعد العشا مثلاً حتى لو كانت فيه خادمة وانتي رايحة تغسلي يدك شيلي معك كم صحن
هذي صحيح أشياء عادية بس لها وقع أثر طيب وحلو في نفسها ..


هذا اللي ذاكرته الحين وإذا ذكرت شي جديد راح اكتبه لك ..
بس اهم شي .. لا تقاطعيها في الكلام إذا تكلمت .. ولا تحاولي تظهري لها إنك مضايقة منها ..