حبيبتي نصيحة صادقة لوجه الله ما تضيعي وقتك الغالي. كل كلامي إللي راح أقوله عن تجربة. أنا حكيت مع شخص عالإنترنت و هذة خلاصة تجربتي اللتي خرجت بها مع إنه كانوا إللي حولي ينصحوني بس كنت عنيدة. إليك الخلاصة:

1- ما في شي إسمه حب عالإنترنت. كل المشاعر و الصفات إللي راح تحسي إنها فيه راح تكون من نسج خيالك لأنه الإنسان بطبعه حالم فكل ما يقول لك شي راح تتخيليه بالصورة إللي إنت بتحبيها و مش راح تكتشفي و تلاحضي هالشئ إلا بعد مايكون ضاع وقتك وتنصدمي لما تشوفيه و تتعاملي معه عن قرب. (أنا كتير ندمانة على وقتي إللي ضاع ولما شفته و عرفته على حقيقته إنصدمت).

2- مافي شاب راح يحبك من دون ما يشوف شكلك.

3- مافي شاب بيكون ذا خلق و بيحبك فعلا بيرضى إنو يحكي معك من دون علم أهلك لأكثر من إسبوعين لو كان بحبك كان تقدم و لو عنده ضروف تمنعه بيأخذ رقم أهلك و بكلمهم لما ضروفه تسمح من دون ما يعلقك معه (هاي لو كان فعلا بحبك).

4- أنا كنت أصلي و أدعي و الشيطان يوهمني إني مرتاحة له بس الحمد لله الله إستجاب دعائي و أراني الحق حق.

5- لما الرجال يحقد راح يحاول يؤذيك (مش شرط يكون أذى ملموس) أنا أذاني حاول يجرحني بالكلام و كتير صار عدواني لأنه ما عجبني لما تقابلنا ببيت أهلي. إنت كمان ممكن يحاول ينتقم عشان تركتيه و عقدتي قرانك راح يخليك تتعلقي فيه بعدين يردلك الصاع صاعين.

6- كلام الوفية صح مية بالمية أنا كمان كنت أخكي معه لأني كنت محتاجة شخص أحكي معة وكل ما أتضايق أحكي معه فهو إستغل ضروفي.

7- فارق السن كبير و ممكن يكون هو سبب فشل زواجه الأول, و ممكن أصلا ما يكون مطلق ولا شي و بيتسلى فيك.

8- شو جابرك تعيشي حياة غير مستقرة في ضل علاقة غامضة???


نصيحة أخيرة بعدي عنه و إشغلي و قتك بكل مفيد و إدرسي و إستمتعي بحياتك وإدعي الله يرزقك بالزوج الصالح و ثقي بالله أنه سيرزقك به بالوقت المناسب.
أتمنى لك التوفيق.