شكرا لتواصلك اخوي الهشمي
كل الي قلت لي عليه اسويه معاه دايم اقوله انت تحبني يقول اموووت فيك
لما اقوله انا مقصره معاك يقول بالعكس انا ماعمري تخيلت ان فيه زوجه مثلك مستحيل
وعلى فكره انا صابره على اشياء كثيره
ودايما يقول ماراح انسى وقفتك معي
انا عندي طفل واحد سنه ونص
ومدلعه زوجي البس له احسن الملابس
ادلعه اقوله كلام حلو اكثر من الي يقوله لي
بس هو مقصر يجي من العمل يجلس معاي شوي وينام يصحى المغرب يطلع لشغله ولا يرجع الا 12 بالليل
ولما يرجع يلاقيني مجهزه العشى ومبتسمه حتى لو كنت متضايقه احط في نفسي واسكت
هو مو من النوع المتطلب يعني اصلح غدا ولا ما اصلح عادي مايزعل اي شي ياكل وبس مايحب المشاكل وكريم ويحب اهلي ويحترمهم حتى انه يفكر فيهم اكثر من ما انا افكر في اهلي
ودايما يقول اذا الله رزقني بشتري بيت كبير واهلك يجون يسكنون عندنا لان ابوي متوفي
واخواني الاولاد صغار 15 و11 سنه واخواتي البنات 18 و 20 سنه
ويقول لازم يكون عندهم رجال
حتى دايما يعطيني فلوس ويقول عطي اهلك بدون ما اطلب منه
ودايما يتصدق لابوي المتوفي حتى اذا سافر في الاعياد تقولي ترا ضحيت لابوك
ودايما يفاجئني وافرح بهذا الشي
بس هو مقصر في جلسته في البيت وطلعاتنا مع بعض انا الي اطلب منه نطلع نتغدا او نتعشى برا نغير جو
بس هو الله يهديه ما يعوضني عن غيابه وسفراته
ودي يقولي عازمك على العشاء ولا عازمك على الغداء وعلى فكره احيانا اطلب منه ويقول مره ثانيه واطلب مره ثانيه ويقول اسف مشغول خليها بعدين وانا صابره ولا ازعل تخيل مره كان الجو حلو قلت له خل نطلع نتغدا قال طيب بعدين اتصل واعتذر تتوقع وش سويت
رحت سويت اكل على السريع وجهزت طاوله طعام ورتبت البيت كانه مطعم
ولما جى تفاجى قلت له ماعزمتنى على الغدا قلت انا اعزمك على احلى مطعم
شفت كيف انا اتحمل واعديها واعذره دايما بس للاسف مانفع
يعني وش اسوي اكثر من الي انا سويته