انا اقول اهم شي خذي الموضوع هذا وجميع مواضيعك بحسن نيه هم اهلك واهل زوجك واولادك منهم وفيهم ومن حقهم يسألوا ولا تعتبريه تدخل هذا اذا كان سوال عام عن الصحه والاحوال والحمل فهذا شي عادي
انا ودي لو تتخيلي امك او احد اهلك لو تقول لزوجك ترى البنت مسويه عملية قيصرية لو تأجلون الحمال شوي عشان صحتها يمكن يزعل زوجك ويعتبره تدخل في حياتكم لاكن انتي بتقولي هذولي اهلي ويهتمون فيني
اهم شي اعتبري اهل زوجك هم اهلك واعتبري السوال الي جاء من اخته جاءك من اختك اكيد بتتعذرين لها بهدواء وبحسن نيه وبتقولي توني والده والولاده تتعبني وانا وزوجي مرتبين مع الدكتوره على الوقت الانسب والله يرزق الجميع الذرية الصالحه ومن هذا الكلام الي يوضح ولا يزعل احد
واهمس في اذنك بنصيحه لو دققتي في كل موضوع بينك وبين اهل زوجك وقلتي وش يقصدون واكيد انهم ناويين يضايقوني والله طول عمرك ما راح ترتاحي لانك تجعلين نفسك كأنك في حرب وتنافس
واتنمى لك التوفيق