من وجهة نظري أخته مش غلطانه بأي حاجه ..

دي بنت و عندها 13 سنه ، يعني صغيرة .. كانت محرومة من الاهتمام و الحنان و وجدته مع أخوها ، طبيعي إنها تتعلق بيه خصوصاً إنها تعتبر في فترة مراهقة و البنات في السن ده بيتعلقوا بأي شخص بشروط إنه يكون من الجنس الآخر و إنه يغطي لديهم أي إحساس بتفتقده

أخته أكيد مش مدركه لمدى اللي هيه بتعمله ، ممكن كمان تعتقد إنها بتحبه حب غير الحب الأخوي و ده كله بيحصل للبنات في سن المراهقة و بيبدأوا يفوقوا منه لما يخطوا المرحلة دي و يعرفوا إن اللي كانوا بيعملوه كان غلط و يضحكوا على نفسهم

ممكن يكون زوجك فطن للموضوع ده و حاول يستوعبه بدل ما أخته تدور على شخص تاني تبث له مشاعرها ،، و حاول إنه يحتويها بمشاعرها لغاية لما يكسب ثقتها و تعدي من المرحلة اللي بتمر بيها

حبيت بس ألفت نظرك للنقطة دي (واللي طبعاً بتحبمل الصواب أو الخطأ) و طبعاً إنت أدرى بزوجك و بالطريقة اللي كنت بتشوفيهم بيعاملوا بعض بيها و إذا كانت تحتمل وجهة نظري أو لأ

كمان في نقطة ذكرتيها مرتين في موضوعك و هو إنك محسودة ،، ممكن يكون كل الألم اللي انت حاسه بيه من الموضوع ده ... داومي على ذكر الله و قراءة سورة البقرة و ربنا يجعل لك من كل ضيق مخرجا

ربنا يهديه ليك و يهديك ليه

__________________

	[blink]"و اصبر حتى يحكم الله و هو خير الحاكمين"[/blink]