اهلاً و سهلاً بك زائرة في منتدانا و إن شاء الله تكوني عضوة عما قريب

حبيبتي ،، اللي بتعمليه في نفسك ده غلط ،، مادام فكرت بعقلك و اقتنعت بإنسان و كمان عُقد القران ما بينكم فإنك تفكري في إنسان تاني ده يعتبر خيانة لزوجك

لازم تشيلي الإنسان التاني من قلبك و من تفكيرك نهائياً و تبعدي عنه كمان نهائياً .. طول ما إنت بتكلميه هيفضل حائل ما بينك و ما بين زوجك مهماً كان زوجك كويس

صدقيتنا العزيزة: اقطعي علاقتك بالإنسان الأول فوراً واحتسبي الأجر عند الله .

بعد كده حاولي بكل الطرق إنك تتقربي لزوجك و تعرفيه أكتر حاولي تقنعي قلبك بيه و أكيد هتلاقي فيه حاجات حلوة كتير تقدري تحبيها

إياك ثم إياك بعقد المقارنات ما بين الإنسان الأول و زوجك .. كل إنسان ليه مميزاته و عيوبه

يا عزيزتي شفت ناس كتير جداً (و الله على ما أقول شهيد) و كانوا قريبين جداً مني و كانوا في نفس موقفك ،، حب دام لمدة 7 و 8 سنين ،، لكن لما البنت فكرت بالعقل و شافت إن اللي بتعمله غلط و بعدت عن الشاب ده ربنا رزقها بزوج صالح عوضها الله بيه عن كل أذى مسها و افتكري دائماً (من ترك شئ لله أبدله الله خيراً منه)

أكيد هتتعبي في الأول ، ده شئ طبيعي ... لكن صدقيني هترتاحي بعد كده جداً جداً و هيبقى زوجك الزوج اللي جمع ما بين حب عقلك و حب قلبك و هوه ده الحب اللي بيدوم و بيصمد أمام صعاب الحياة

إبعدي عن الشخص الأول فوراً و إدي لنفسك و لقلبك فرصه إنهم يحبوا زوجك ،، و استخيري الله

و ربنا يكتبلك الخير إن شاء الله

__________________

	[blink]"و اصبر حتى يحكم الله و هو خير الحاكمين"[/blink]