شوفي وانا اختك ترى الشاب في مجتمعنا الخليجي مايحب البنت الجريئة ولايفكر انه يتزوجها أصلا , نصيحتي لج انك تهتمين بدراستك اذا كنت طالبة ولاتهملينها لأن في نظري الشهاده مهمه جدا جدا , وادعي ربك في كل صلاة وفي الثلث الأخير من الليل وفي أوقات الاستجابة انه يكون من نصيبك وحاولي مع أهلك انكم توطدون العلاقة بين العيلتين بكثرة الزيارات وتبادل العزايم والاتصالات الهاتفيه بين أمك وأمه وبين أبوك وأبوه أو بينك وبين خواته وتكونين سنعه في معاملتك لأهله عشان يمدحونك دايما ويجيبون في سيرتك قدامه ويمكن راح يبتدي يفكر فيج والمثل يقول كثر الدق يفك اللحام , بالتوفيق حبيبتي وطمنينا عليج .