موضوع مهم اخوي الكبير.

طيب أنا بسأل لاحظت البعض هنا قالو لاتشتكين وبصراحة ماأتأثر بكلامهم بكثر ماأخذ من كلامك وأثق فيه

اخوي انا اعتبر النت فاصل بين واقعنا وبين انفسنا.. أنا بحياتي ماجلست مع وحدة وشكيت لها امري عن الزواج أبد ابد

والله بحياتي ماقد سولفت عن مواقفي بالشوفة مع اني اجلس مع بنات اكثر سوالفهم تحسر انهم ماتزوجو.

اولا هذي خصوصيات ثانيا ماحب نظرات الرحمة والشفقة خصوصا ان لي مقام واهمية عند صديقاتي وماحب تتغير نظرتهم لي

ثالثا الحريم راعين تقلب كلام الكلمة يزيدونها عشر..

حتى امي وهي امي والله العظيم بحياتي مابكيت او شكيت لها بالعكس هي تجي وتشكي همها اني عذبتها وووووو

وانا ابتسم واذكرها بالله وان هذا نصيب وقضاء وقدر وبس

حتى اخواتي ولافكرت اني اشكي لهم!!

المكان الوحيد اللي افضفض واحس بالكلمة لو تنكتب لي تريحني هنا.. انا ماهو قصدي اشتكي ابي احد يساعدني ويدور لي على رجل اتزوجه!!

مجرد فضفضة أحاسيس ومشاعر مكبوتة. واستفيد الدعاوي والكلمة الطيبة واللي تخفف وتشجع وترفع معنوياتي

ساعات اقرا رد بوقت احس اني حاسة مالي اهمية بهالدنيا بس بمجرد ماقراه حسسني بأهميتي بوجودي في الحياة..

والدليل تأثرنا جميعا بمواضيعك .. والله يجزاك خير ويكثر من امثالك

__________________
اللهم لك الحمد والشكر
"ولئن شكرتم لأزيدنكم"

الله يرزق كل بنت في المنتدى بمن يقدرها ويحترمها ويحن عليها ان شاء الله