الأخت ريم 2006هونيها تهون إن شاء الله لاداع للزعل وهذا موضوع لا يستاهل منك هذا القلق غنما هي زلة لسان من عجوز كبيرة سن تحمليها وهي عندك كالضيف المرتحل لذلك أكرميها لله أولا ثم لزوجك ثانيا والذي يجيء ولد ولا بنت هذا بأمر الله لاحول لك فيه ولاقوة وربي يوفقك ويكون في عونك

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

مشكور اخوي محب الغزلان على كلامك الرائع


ومشكورة اختي حبيبتي حسابات الزمن على كلامك والله من جد ريحني

__________________

حبيبتي ريم2006 لاتتعبين نفسيتك الحاله النفسيه مهمه وقت الحمل
احمدي ربك واهم شئ رضى زوجك وانشاء الله بنوتك بتكون الغاااااااااااااااليه عند حماتك
والله يتمم لك حملك على خيير

صدقيني أختي وراح تتغير وما اغلى من الولد الا ولد الولد حتى لوكانت بنت الحين اشوف جدتي تعامل بنات ولدها كانهم بناتها تمووووووووت فيهم ان شالله خالتك تكون كذا واحسن ان شاء الله ...

الى يجيبة الله حية الله



بنت ولد كلهم خلق الرحمن ويما بنات اطيب من اولاد لاتهتمين حطي باذن طين وباذن عجين


وكبري الوساده واتركي الامر بيد من له الامر سبحانه

لاتخافين ياريم


البنوتات بيكلون قلبها

وكل بتقول جيبوا بنتكم عندي من حبها


تفائلي خير

الله يقومك بالسلامه

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الله يسلمكم على ردودكم والله فرحتوا قلبي


والله يتمم لي على خير

وأشوف بنتي بالسلامه وعسى خالتي تحبها!!

__________________

انه اقولج طنشي ولا تعبين روحج لان الكلام اللي يقث ما يخلص ،،انه مسميه بنتي على وحده من اخواتي متوفيه وهي صغيره وكنا مسمينها على بنت عمي بعد متوفيه يوم عرفت ام ريلي بالسالفه قالت لا لاتسمون ثنتين ماتو يعني الاسم ما يبيكم((خرافات وخرابيط ما لها معنى)) طبعا انه حزت في نفسي ،والحمدلله يبت بنتي وسميتها على اختي وكانت كل ما تمرض بنتي تقول لنا غيرو اسمها يمكن من الاسم كنت اموت من القهر عليها ،،بعدين قعدت افكر اقول ليش انه اتعب روحي معاها خلها تقول اللي تقوله انه ما علي منها اسمع من اليمين واطلع من اليسار ولين يابت هالسيره اقولها الحافظ الله واللي الله بيكتبه لنا احنا راضيين به والحمدلله على كل حال

__________________