الله يسعدكم ويوفقكم يارب

اول شي بوجه كلامي لك انت

وصدقني اخوي هي بعد مشتاقه لك بالمره انت زوجها وابو عيالها

وهي مقابله العيال وتهتم فيهم علشان تضيع وقتها وتشوفك فيهم وتحس فيك بقربهم واكيد اذا حبك لها كبير حبها لك اكبر

واذا على انها حساسه هي تحب تتدلع عليك وتشوف غلاتها عندك

وانت راعي انها مشغولها يعني بدل رساله غرام وحب كل دقيقه يمكن تفقد القليل من روعتها بسبب كثرتها

احرص على انك تكلمها وقت معين مثلا الليل اذا ناموا العيال او المغربيه بحيث تستناك وتتفرغ وتشتاق لك اكثر




والحين كلمه لها


اختي الله يوفقك ويرجع لك زوجك وابو عيالك و( حبيبك) سالم وغانم ومعه شهادته الي يرفع راسك فيها

و اتخيل انه من كلامه واضح انه موصل حبه لك بشكل واضح واكيد انك تبادلينه نفس الحب والا ما استمر

بس بقول لك نصيحه اذا تزاعلتوا تذكري شي واحد ان الزوجه تنحرم من الجنه اذا نام زوجها وهو غضبان وليس العكس علشان كذا فكري قبل ما تنامين انتوا متزاعلين والا متراضين علشان اخرتك وصدقيني الدنيا ما تسوى


بقول لك عن نفسي شوي والله انا لما ازعل زوجي ما اقوى يبعد عني وهو زعلان يعني حتى لو طلع من البيت على طول ارسل مسج واعتذر ومن المستحيل ينام وانا ما راضيته بغض النظر عن مين الي غلط انا والا هو

ليه اسوي كذا ؟؟؟ لاني اخاف يجي وقت لا سمح الله واكون تاخرت بمراضاته وما توصله والله من جد هذا الشي يخوفني مره

يعني اخاف يطلع ما يرجع لا سمح الله وترى كله بيد رب العالمين
اخاف ينام ما يصحى

وقتها ما يفيد التحسف انه انتقل عني وهو علي غضبان ما يفيد وقت الحب والدلال


يمكن تكلمت كثير بس احب اقول لك حياتنا كلها ايام ما تسوى يكون اكثرها زعل


والحمد لله ربك عطاك افضل من غيرك
اعطاك الزوج المحب المخلص
اعطاك الذرية البنات والبنين

فاحمدي ربك اختي فالحمد لله الذي فضلك على كثير من خلقه





اسفه طولت بس ان شاء الله كلامي يوصلك






تحياتي
دلوعه زوجي